عمریولداشی تامانیدن تیلی کیسیلگن عیال

بوندن بیر کون مقدم چهاربولک اولوسواللیگی نینگ جنگوره ی قیشلاغیده عایلوی معمالر باعث بیر ایرکک اوز عمریولداشی نینگ تیلینی پیچاق واسطه سی بیلن کیسگن.

20 یاشیده بولگن بو یاش عیال نینگ آنه سی گواهلیک بیریشیچه، اونینگ قیزینی دییرلی ایککی لک افغانی گه تینگ مبلغ قلینی بولگن ایکن، و بوایسه مذکور عیال نینگ اوز عمر یولداشی اوییده تینچلیک و آسایشته لیکده حیات کیچیره آلمه ی، تورلی- تومن قییناقلرنی کوریشیگه سبب بولگن.

اولیگه بو یاش عیال عمریولداشی تمانیدن جبر کورر، کلتکلنیب تورر و عاقبت ایسه دهشتلی حادثه یوز بیرگن. یعنی کیلیب- کیلیب بو جبرو ستملر اونینگ حتی کی تیلینی کیسیلیشگه باعث بولگن. جدی ضربلر سببلی اوشبو خانم نینگ ییتی آیلیک باله سی آنه قارنیده ضرر کورگن.

رسمیلرگه کوره، مذکور خانم نینگ عمریولداشی اونی تن فروشلیککه ترغیب ایتگن. لیکن اوشبو ایشنی قبول قیلمه گنلیگی سببلی کلتکلب تیلینی کیسگن.

شمالی بلخ ولایتی نینگ خوفسیزلیک آمری جناب عبدالرزاق قادری نینگ ایتیشیچه، پولیس خادملری 22 یاشیده بولگن اوشبو شخص نینگ قیلمیشیدن آگاه بولگندن کیین اونی توتقینگه آلگنلیکلرینی بیللی قیلماقده.

مزارشریفده گی خاتین- قیزلر اداره سی نینگ باش رهبری خانم فریبا مجیدگه کوره، افغانستان کبی عنعنه دار بیر اولکه ده اخیرگی ییلر مابینیده خاتین- قیزلرگه قرشی زورانلیک سانی اینیقسه قیشلاق و تومنلرده کوپه یگن.

خانم مجید؛ اوشبو جبرکورگن یاش عیالنی بیرینچی اوله راق تیزیاردملر چقیریب، کسلخانه گه آلیب باریلگنلیکلرینی ایتماقده.

افغانستانده فقرالر خوفسیزلیگی نینگ یمانله شیب باره یاتگنی، کوپگینه خاتین- قیزلر زوراوانلیکلرگه دوچ کیلیش حاللری آرتیشی بیلن بیرگه حتی بعضی پیتلرده اولرنینگ ساغلیگیگه ییریک ضرر ییتکزیشیگه هم سبب بوله یاتگنی قید قیلینماقده.