یوزبیرگن ناقرارلیکلرده کمیده توقیز پلیس قربان بولگن

Image copyright AFP

افغانستان بویلب یوزبیرگن ناقرارلیکلرده کمیده 9 پلیس و بیر عادی اهالی هلاک بولگن شونینگ دیک آلتی پلیس یره لنگنی خبرقیلینگن.

قندهارولایتی نینگ ارغستان تومنیده یوزبیرگن انتحاری هجومده محلی رسمیلرگه کوره تورت پلیس عسکری وبیر تینچ فقرا قربان بولگن، همده ینه آلتی پلیس یره لنگن.

محلی رسمیلرگه کوره ارغستان تومنیده گی پلیس قرارگاه لریدن بیری نینگ ایشگیده انتحارچی اوزینی موتری بیلن پارتلتگن.

حاضرگه قدر هیچ بیرگروه یاشخص حادثه مسوولیتینی اوزبوینیگه آلمه گن.

شمال شرقی قندوز ولایتیده یول چیککه سیده اورنه تیلگن ماین پارتلش نتیجه سیده اوشبو ولایت نینگ تروریزمگه قرشی کوره شیش اداره باشلیغی هلاک بولگن، همده بو حادثه ده باشقه ایککی دولت خادمی هم قربان بولگنی محلی رسمیلر تامانیدن تصدیق لنگن.

شونینگ دیک افغانستان شرقیده جایلشگن ننگرهار ولایتی مرکزیده یوزبیرگن پارتلش نتیجه سیده کمیده ایککی پلیس قربان بولگنینی محلی رسمیلر تصدیق له گن.