پاکستاننی ترک ایتیش اوچون بیرملیون افغان قاچقینی بیر آی مهلت آلگن

Image copyright AP

افغانستان قاچقین لر وزیرلیگی نینگ ایتیشیچه، پاکستان افغان مهاجرلری نی اوز مملکتی دن چیقیریش اوچون ینه بیر آی وقت بیرگن.

بوندن آلدین پاکستان، افغان مهاجرلری نینگ چیقریش اوچون جاری میلادی ییل می آیی نینگ 25نچی سیگه قدر، زمان وقت تعیین له گن ایدی.

قاچقین لر وزیری جماهیر انوری ایسه، پاکستانده کی افغان مهاجر لری اوز مملکت لریده قه یتب کیلیشی نی ایککی مرحله ده عملی بولیشی توغری سیده پاکستان حکومتی بیلن کیلیشگنی دن خبر بیرگن. بو ایککی مرحله اینگ آز آلتی ییل جریانیده عملی بولیشی بیلگی لنگن.

قاچقین لر وزیری جماهیر انوری گه کوره، مملکت نینگ 19 ولایتی ده افغان قاچقین لریگه ییر بیریش اوچون ساحله لر تعیین لنگن. شو نینگ دیک، مذکور قاچقین لرنینگ اوز مملکت لریگه کیلیش لری ایککی مرحله ده یعنی کیله سی آلتی ییل گه قدر توگیه یشی ممکن.

"بو قاچقین لر اوشه اوز منطقه لریگه کیلیش لری بیلن برلریگه جای بیریله دی، اگر بو منطقه لر تینچ سیز بولسه، قوشنی ولایت لرده جایلشتیریله دیلر. ویا هم اوشه 48 منطقه ده کی ساحه لرده جایگه ایگه بوله دیلر. شو نینگ دیک بولر گه ایریم خذمت لر ترقه تیله دی، نهایت ده بولر گه ایش زمینه لری هم مهیا بوله دی. ا بولر ینه مهاجرت قیلمسه لر."

قاچقین لر وزیری شونگه قوشیمچه قیلیب، اگر ده افغان مهاجرلری اوز مملکت لریگه کیلیش نی ایسته مه یدیلر، بیرلشگن ملت لر تشکیلاتی تمانیدن اولر نینگ دوسیه لری قیته دن تیکشیریلیب، اولر، پناه آلگن اولکه لرده یوباریله دیلر.

اما بیرلشگن ملت لر تشکیلاتی نینگ قاچقین لر اداره سی سوزچیلریدن نادر فرهادگه کوره، اوشه شخص لر پاکستان همده ایران دن تشقی مملکت لرده یوباریله دی که مذکور تشکیلات روی خطی دن اوتگن بولسه لر.

" پاکستانده کی مذکور بیرملیون افغان قاچقینی اوچون جناب وزیر قیلگن سفریده هم بیللی بولگن که بولر همه سی مدرک سیز دیر. یعنی پناهنده لیک مسئله سیدن تشقری اوییرده حیات کیچیره دیلر. بولر یا که ایش سیزلیک معما سی یا ده حیات اوچون بیرینچی امکانیت لر یوق لیگی اوچون پاکستان و ایران گه کیتگن لر.

بناً UNHCR اداره سی بولر اوچون رسمی شکلده فعالیتی یوق."

پاکستان و ایران اولکه لریده قاچقین شکلده حیات کیچیره یاتگن افغان لر، اوز مملکت لریده هیچ قنده ی سرپناه لری همده ایش زمینه سی یوق لیگی سببلی بو مملکت لرگه قالگن لر.

شونده ی بیرحالده، مملکت سوداگرلر اویوشمه سی نینگ رییسی، قربان علی حقجو ایسه، تشقی مملکت لرده گی افغان مهاجرلری اوز مملکت لریده کیلیش لری نی اقتصادی جهت دن سلبی تاثیر قویشی نی ایتیب، بو مسئله عملی بولیشی بیلن مملکت ده ایش سیزانسانلر سانی هم انچه کوپه یشینی بیلدیرماقده.

"ای کاش اقتصادی یخشی بولگن شخص لر اوز مملکت لریگه کیلسه ایدی، بو کیله یاتگن لر همه سی هم فقیر انسان لر. بو لر کمپ لر و خیمه لر آستیده یمان بیر حالتده حیات کیچیره دیلر. بو لر نینگ اکثریتی، خارجی تشکیلات لر یاردمی یا که خارجی مملکت لرده کی قرینداش لری تمانیدن مالی حمایت بولیب کیلماقده. بولر نینگ کیلیش لری هیچ قنده ی منفعتی یوق، چونکه بیز اقتصادی نقطه نظریدن یمان بیر وضعیتده میز. بولر نینگ کیلیش لری مملکت اقتصادی نینگ فشار آستیده کیلتیریشی ممکن."

پاکستان ده گی مدرک سیز افغان مهاجر لر سانی اینگ آز بیر ملیون نفر تخمین ایتیلگن. شو نینگ دیک اولر افغانستانگه کیلیش لری بیلن افغانستان دولتی نینگ جدی قیین چیلیک بیلن یوزمه یوز قیلیشی ممکن لیگی ایتیلماقده.

پاکستان اوتگن اوتیز ییل جریانیده، قریب آلتی ملیون افغان مهاجرگه جای بیرگن، اما افغانستان وضعیتی اوتگن نیچه ییل دن بیری اوزگریشی بیلن مذکور افغان قاچقین لری نینگ قریب یریمی اوز مملکت لریگه کیلیب حیات کیچیرماقده.

معلومات لرگه کوره، قانون سیز شکلده حیات کیچیره یاتگن 800 مینگ افغان، پاکستان نینگ خیبر پشتون خواه منطقه سیده جایلشگن و ینه 200 مینگ افغان هم پاکستان نینگ باشقه منطقه لریده حیات کیچیرماقده.