رسمیلر: اطراف محیط نی سقله ش همه نینگ مسوولیتی

افغان مقاملری اطراف محیط نینگ سقلش اوچون مردم وبوتون اداره لرنی جدی کوره شیشگه چقریب، بوخصوصده بولگن برنامه لردن جدی حمایت قیلشینی تاکیدله دی.

بوگون خلق ارا اطراف محیط نی سقلش کونی مناسبتی بیلن یولگه قوییلگن یغینده، افغان رسمیلری کابل عالی اوقویورت چوکاتیده اطراف میحط آتی بیلن ینگی بیر فاکولته آچیلیشدن خبربیردی.

شونینگ دیک اورمان زارلر قانونی نینگ یقینده جمهوررییس کرزی تمانیدن توشیح بولیشی معلوم قیلیندی.

ایریم لرگه کوره سونگی یییللرده افغانستان پایتختی کابل قوشیمچه ییریک شهرلریده هوا اوته افلاس له نیب حکومت تمانیدن اساسی چاره تدبیر یولگه قویلمه گن.

اورمان زارلرده گی درخت لرنینگ ناقانونی روشده کیسیلیشی هم اطراف محیط گه جدی ضرر یتکزه دی. تخارلیک احمد ظاهرهلی هم درخت ناقانونی روشده کیسیلیب کیله یاتگنینی ایتیب بوباره دولت نینگ جدی اعتبارقره تمه یاتگنی گه عیبلیدی.

افغانستان جمهوررییسی نینگ ایککینچی اورین باسری محمد کریم خلیلی، اطراف محیط نی سقلش اوچون یولگه قویله دیگن برنامه لردن دولت نینگ جدی حمایت کورسه تیشگه اورغوبیریب بوحقده شوندی فکربیلدیردی.

"محیط اطراف نی سقلش فقط بوخصوصده فعالیت الیب باره یاتگن اداره مسوولیتی ایمس، دولتی اداره لر همده باشقه اداره لر قوشیمچه مدنی قوریلمه لر محیط اطرافنی سقلش اوچون تولیق یاردم قیلسین. شونینگ دیک مردم نینگ همکارلیگی بولمه سه هیچ نرسه قیلیب بولمیدی."

شونینگ دیک خلیلی جنابلر اطراف محیط باره سیده مردم نینگ اگاهیلیگ اوته پس بولگنی اساسی مشکل ایکنینی تاکیدله دی.

یشیل ساحه لرنینگ یشش مکان لرگه اوزگریشی همده اورمان زارلرده گی درخت لرنینگ کینگ کولمده کیسیلیشی اطراف محیط گه منفی تاثیر قالدریب، هوانی تابه افلاس لنتیرماقده.

باشقه تماندن کابل کبی ییریک شهرلرده ایسکی موترلر کونساین ارتیب باریشی ، شهرلرده کتته جنراتورلردن قوله نیشی هم تورلی خیل قینچلیک لرنی توغدیرگنی ایتلیب وضیعت حاضرگی دیک دوام تارتسه کیله جکده کتته قینچیلیک لر یوزگه چقیشی ممکن دیگن خواطر لر کوچیگن.