افغانستانده 800 مینگ انساندن آرتیق ایش سیز

Image copyright AFP

خلق ارا ایش تشکیلاتی نینگ بیلدیریشیچه، حاضر افغانستان بویلب، قریب بیر ملیون انسان ایش سیز دیر.

مذکور تشکیلات نینگ سونگی گزارشی گه کوره، وقتینچه لیک ایشلرده کوپراق کوز قره تیش، دایمی ایش یره تیش اوچون ییترلی بودجه یوق لیگی شو نینگ دیک ایچکی و خلق ارا اداره لر آره سیده هماهنگ لیک یوقلیگی باعث، مملکت ده ایش سیزلیک مسئله سی کون سه یین آشیب بارماقده.

خلق ارا ایش تشکیلاتی افغانستان حکومتی دن مردم گه دایمی ایش زمینه سی نی یره تیش اوچون کوپراق کوز قره تیشی نی ایسته گن.

شونده ی بیرحالده مملکت ایش و اجتماعی مسئله لر وزیرلیگی ایسه، دایمی ایش لرنی ایجاد ایتیش اوچون ینگی طرح لر باره سیده ایشله یشی نی بیلدیرماقده.

مملکت پایتختی بیلن قوشیمچه برچه ولایت لرده مینگ لب انسان ایش سیز لیک بیلن حیات کیچیره دی.

شو نینگ دیک ایش سیزلیک مسئله سی افغانستان دولتی نینگ اساسی قیین چیلیک لریدن بیری حسابلنه دی.

خلق ارا ایش تشکیلاتی، افغانستان ده دایمی ایش یره تیش اوچون حرکت قیلیش زمانی عنوانی بیلن ینگی بیر گزارش ترقه تگن.

مذکور رقم نینگ 60 فایزی زراعت بولیمیده ایشله یاتگن افغان لر ایکن لیگی هم معلوم بولگن.

اما گزارش نینگ توزه تگن لر افغانستان ده دایمی ایش لر یوق لیگی دن خواطر بیلدیرگن لر.

خلق ارا ایش تشکیلاتی نینگ مذکور گزارشیده، هر ییل قریب 400 ایش قیله یاتگن لر بازار گه کیریش لرینی ایتگن. بیراق، مذکور رقم نینگ کوپگینه سی ایش گه صاحب بوله آلمسلک لرینی هم معلوم قیلگن.

خلق ارا ایش تیکیلاتی نینگ ایش تاپیش بولیمیده گی مخصوص متخصصی شیروریک بو توغری ده بونده ی ایضاح له دی:

"البته کی ایش سیزلیک واقعی بیر خواطر. حاضرگی کونده یعنی میلادی 2012 نچی ییلده 800 مینگ انسان دن آرتیق انسان بوتونلی ایش سیز دیر. بیز ایش لرنینگ دایمی بولیشی و کیفیتی توغری سیده تاکید قیلماقده میز. ایش بازاریده کوره یاتگن اساسی قیین چیلیک لر بودیر که اوتگن اون ییل ده افغانستان ده موقت ایش ایجاد ایتیلگن و بو ایش لر دایمی بولمه گن. شو نینگ دیک ظرفیت لرنینگ کوچه یتیریش و مهارت لرنینگ کوپه یتیریش توغری سیده هم آز ایشله نگن."

وریک جنابلری شونگه قوشیمچه قیلیب، افغانستان ده گی ایش سیزلیک و یخشی ایشلرآزلیگی، افغان یاش لری و قاچقین لر و کیچیک باله لر اوستیده کوپراق سلبی تاثیر قالدیرگنینی ایتگن.

شونده ی بیرحالده ایش و اجتماعی مسئله لر وزیرلیگی نینگ اورین باسری سلیم مستور، مذکور وزیرلیک یخشی و دایمی ایشلر نینگ ایجاد ایتیش توغری سیده سعی و حرکت لر جریانی بارلیگی دن سوز یوریته دی.

"بیز یخشی و دایمی ایشلرنینگ ایجاد ایتیشی نی اوچ ییل لیک استراتیژه میزگه اورین بیرگن میز. بو معنی ده که افغانستان دولتی ایش زمینه لری نینگ یره تیش اوچون مهم آدیم لرنی کوترگن. دایمی ایش، ظرفیت لرنینگ کوچه یتیریش و ایش گه سهولت لر یره تیش بیلن اورته گه کیله دی."

خلق ارا ایش تشکیلاتی گزارشی نینگ سونگی ده خلق ارا هم جمعیت مملکت لریدن افغانستان گه دایمی ایش زمینه لری نینگ یره تیش اوچون تا میلادی 2024 نچی ییل گه قدر بو مملکت ده یاردم لری نی دوام بیریشینی هم طلب قیلگن.

شو نینگ دیک مذکور گزارشده خلق ارا هم جمعیت مملکت لر افغانستان دن مالی حمایت لرینی بولیب اوتگن توکیوده گی انجمنده اعلام قیلگن لیک لرینی انچه مهم دیب توصیف له گن.

شو نینگ دیک گزارش نی توزه تگن لر، دایمی ایش زمینه لرینی یرتمس لیک حالتده افغانستان خودکفالیکگه ایریشیشی انچه قیین ایکنینی هم بیلدیرگنلر.