القاعده نینگ ایککینچی مهم نفری پاکستانده هلاک ایتیلدی

Image copyright BBC World Service

امریکا لیک مقاملر اوتگن کون پاکستان نینگ قبیله نشین منطقه لریده اوچووچی سیز اوچاق لر هجوملریدن اساسی مقصد القاعده نینگ مهم رهبرلریدن ابویحیی اللیبی نینگ نشانگه آلیش اوچون بولگنینی معلوم قیلگن.

پاکستان نینگ قبیله نشین منطقه لریدن بولمیش شمالی وزیرستان منطقه لریده یولگه قوییلگن هوای هجوملرده اون بیش عصیانچی هلاک بولگن.

ابو یحیی لیبی، ایمن الظواهری دن کیین القاعده ترماغی نینگ ایککینچی مهم نفری دیه توصیف لنگن.

پاکستان مقاملریگه کوره هجومده قربان بولگنلر،اکثریتی چیت ایللیک عصیانچیلر بولگن.

اما پاکستان تشقی ایشلر وزیرلیگی امریکا نینگ اسلام آباده گی ایلچیسینی چقریب، اوچووچی سیز اوچاقلر هجوملری خصوصیده بولگن " جدی خواطر" لرینی اونگه اظهارایتگن.

اوشبو اوچره شووده، پاکستان دیپلماتلری اوچووچی سیز اوچاقلر هجوملری نینگ خلق ارا قانون لرگه قرشی ایکنینی اورغولب، بوکبی هجوملر نینگ کیله جکده دوام تارتیشی یمان وضعیت گه ایله نیشی بیلن آگاه لنتیرگن.

پاکستان حکومتی امریکا نینگ اوچووسیز اوچاغلری هجومیگه قرشی لیک بیلدیررایکن بیراق، بوکبی هجوملر اوته ثمره لی بولگنی اورغوله نیب، اونلب عصیانچی والقاعده ترماغی نینگ نیچه مهم قوماندانی جمله دن الیاس کشمیری، وپاکستان لیک طالبان رهبری بیت الله محسود، بوکبی هجوملر نتیجه سیده هلاک ایتیلگنی ایتیلگندی.

اینگ سونگ هجومده القاعده نینگ ایککینچی مهم نفری لیبی هلاک ایتیلگنی ایتیلماقده.

لیبی جنابلری، القاعده ترماغی نینگ کونده لیک حربی عملیاتلری نینگ باشقریب کیلگنی ایتیلماقده.