سوریه ده تینچ فقرا هلاک ایتیلیشیگه قرشی کابلده ناراضلیک نمایش یولگه قوییلدی

پایتخت کابلده اونلب افغانستانلیکلر سوریه ده تنیچ فقراقربان بولیب کیله یاتگنی گه قرشی ناراضیلیک نمایش یولگه قوییب،بوخصوصده غرب دولتلرینی جدی مناسبت بیلدیریشیگه چقیردی.

همده نمایشچیلر مردم گه قرشی زوروانلیک لردن قول تارتیشینی سوریه جمهوررییسی دن سوه دیلر.

نمایشچیلر بشار اسد حکومتینی انسان حقلرینی ایاق آستی ایتیب کیله یاتگنی و مردم نینگ قتل ایتیب کیله یاتگنیگه عیبلب چیقدی.

عین حالده اولر، بشار اسد قاتل دیگن بقریشلربیلن، چیقیب سوریه مردمیدن حمایت بیلدیره میز دیگن شعارلرنی قوللریگه کوتارگن ایدیلر.

شونینگدیک نمایشچیلر، سوریه ده مردم نینگ قربان بولیب کیله یاتگنینی الدینی آلیش اوچون غرب دولت لرینی جدی مناسبت بیلدریشیگه چقیردیلر.

نمایشچیلردن بیری بی بی سی بیلن بولگن صحبتیده بوحقده شوندی دیگن.:" چین، روسیه، ایران و عراق مملکتلری، بشار اسد حکومتیدن حمایت کورسه تیشی اوچون کتته بیراشتباه بیلن دوچ کیلیشی ممکن، اولرظالم حکومت دن حمایت کورسه تیشلری اورنیده سوریه نینگ مظلوم ملتی دن حمایت بیلدریسین."

اوشبو ناراضلیک نمایش، مسلمان جوانلری ناملی مستقل بیرقوریلمه تامانیدن، کابل عالی اوقوویورت قرشیسیده گی عمومی یولده یولگه قوییلگن ایدی.

نمایش بیش ماده لیک بیرقطع نامه صادر ایتیلیشی بیلن یکون لندی.

افغانستان حکومتی، سوریه ده گی جاری وضعیت باره سیده آچیق مناسبت بیلدیریشی نمایش چیلر تامانیدن علاحیده تاکیدلندی.

سوریه ده دوام تارتیب کیله یاتگن زوروانلیک لرخصوصیده حاضرگه قدرهم افغانستان دولتی اچیق مناسبت بیلدیرمه گن، اما بیرینچی مرته دیرکه افغانستان لیکلر سوریه مردم دن حمایت بیلدیریش مقصد بیلن بشار اسد حکومتی گه قرشی ناراضیلیک نمایش یولگه قویه دی.