"کرزی پارلمان نینگ فوق العاده یغین اوتکزیشیگه چقیرگن"

افغانستان جمهوررییسی حامدکرزی، اداری فساد گه قرشی جدی کوره شیش اوچون اوچ قوه اشتراکی بیلن، فوق العاده یغین اوتکزیلیشینی تکلیف قیلگن.

افغانستان بویلب اداری فساد و پاره خورلیک کبی معمالر ارتیب باره یاتگنی ایتیلرایکن بومسله اوچ قوه نینگ بیرگه لیکده یغین اوتکزیب بوخصوصده قطع قرارالیشلریگه مجبور لنتیرگن. <span >

افغانستان جمهوررییس حامدکرزی تکلیفی اساسیده اوتگن کون اولوسی جرگه نینگ رییسی عبدالروف ابراهیمی ییتمیش گه یقین ملت وکیللری بیلن بیریغین اوتکزیب بومسله خصوصیده مصلحت آلیب بارگن. معلومات لرگه کوره کرزی جنابلرینی تکلیفی اساسیده ملت وکیللری سرطان آیی نینگ اولریده کابل ده یغیلیب مخصوص بیریغین ارقه لی فسادمعماسی وحکومت نینگ کوچیتریش خصوصیده بحث الیب باریلیش لری ممکن.<span >

اوشبو یغینده حصصه قوشگن اولوسی جرگه نینگ ساغلیک و یاشلر کمیسیون رییسی داکتر نقیب الله فایق. یغینده حضوری بولگن ملت وکیللری نینگ قراری نیمه بولگنینی شوندی اچیق له دی:"ایرته گه بیریغین اوتکزیلیب مخصوص بیرکمیسیون قوریلیشی گه مصلحت بیریلدی. بوکمیسیون سرطان آی نینگ اوللریگه چه بیرریجه توزه دی یعنی فساد گه قرشی کوره شیش توغریسیده اوندن کیین سرطان ای نینگ اولیده پارلمان چقریلیب بو ریجه اوستیگه بحث بوله دی."<span >

شونینگ دیک ملت وکیلی نقیب الله فایق گه کوره بیرینچی اول راق حکومت نینگ یوقاری اداره لریده گی موجود فساد گه قرشی کوره شیش اوچون پارلمان تامانیدن علاحیده تکلیف ایلگری سوریلیشی ممکن.<span >

عینی حالده فایق جنابلری ایریم ملت وکیللری، کرزی جنابلری کیله جکده قدرتگه قالیشی اوچون اساسی قانونگه ایریم اوزگریشلر کیتریش اوچون بو قرارنی الگن بولیشی ممکن دیگن خواطرلرهم بیلدیریلگنینی ایتدی.

افغانستان ریاست جمهورلیک سرای، ملت وکیللری نینگ فوق العاده یغین اوتکزیش اوچون کرزی تامانیدن شوندی بیر تکلیف ایلگری سوریلگنینی اورغولب، بیراق بویغیندن اساسی مقصد نیمه بولگنی باره سیده اچیقچه جواب بیرمه گن. باشقه تاماندن جمهوررییس سوزچیسی ایمل فیضی بوکونگی اوتکزگن مطبوعات انجمنیده،بوچقریقدن اصلی مقصد باشقه چه بولیشی ممکن دیگن خواطرلرنی قطعی رد ایتیب بوباره ده شوندی دیدی:"افغانستان اساسی قانونی گه ماس جمهوررییس پارلمان ده ییلده بیرمرته صحبت آلیب باریشگه حقی بار، شو اساسده جمهورریس پارلمان ده صحبت آلیب بارماقچی، اما بو صحبت قچان آلیب باریله دی وقییرده بولیب اوته دی معلوم ایمس،لیکن پارلمان رییسلری بیلن علاقه ده میز، صحبت نینگ محتواسی نیمه بولگنی باره سیده هم حاضردن بیرنرسه ایتیش قین."<span >

اوتگن اون ییلدن بیری اداری فسادگه قرشی کوره شیش اوچون ایریم برنامه لر یولگه قوییلب بیرنیچه مخصوص اداره هم فعالیت آلیب بارماقده، لیکن شوندی بولسه هم اداری فساد ارتیب باره یاتگنی جدی تنقید لرنی توغدیرگن.

دنیاجماعت چیلیگی نیچه بار افغانستان حکومتی اداری فسادگه قرشی جدی کورشمه گونگه قدر اوز یاردم لرینی کسیب قویشی بیلن آگاه لنتیرگندی.

ایریم لرگه کوره جمهوررییس کرزی دنیاجماعت چیلیگی تامانیدن جدی باسیملرگه دوچ کیلگنی سبب، شوندی بیر قرارآلشیگی مجبوربولگن.<span >

<span >

<span > <span >