لودین، قاره لاوچیلیک نی همکارسیزلیکگه عیبله دی

Image copyright Getty

افغانستان اداری فساد گه قرشی کوره شیش اداره سی نینگ رییسی عزیز الله لودین، مملکت باش قاره لاوچیلیک اداره سی نی مذکور نهاد بیلن همکارلیک قیلمس لیکگه عیبله گن.

لودین جنابلری نینگ ایتیشیچه، مذکور اداره بیلن باشقه دولتی اداره لر همکارسیزلیگی شو نینگ هماهنگ لیک یوقلیگی باعث، اداری فساد بیلن قرشی کوره شیش ایشی قیینچلیک بیلن یوزمه یوز بولگن.

لودین جنابلریگه کوره، اگرده دولتی نهاد لر، مذکور اداره بیلن همکارلیک قیلمسه لر، فسادگه قرشی کوره شیش اداره نینگ بارلیگی معنی سیز دیر.

افغانستان اداری فسادگه قرشی کوره شیش اداره رییسی عزیز الله لودین، امریکا دن کیلیشی بیلن بیر مطبوعات انجمنی اوتکزیب، اوزی قاچیب کیتگن سوزلرنی رد قیلدی.

لودین جنابلری، بیر قنچه رسانه لرنینگ مذکور مسئله نی ترقه تگن لری اوچون تنقید آستیده هم آلدی.

اونگه کوره، هرچند، غاصب لر قرشی سیده مذکور اداره سعی و حرکت لری دوام تارتماقده لیکن بیر قنچه نهاد لر فسادگه قرشی کوره شوچی اداره بیلن همکارلیک قیلمه یدیلر.

فساد گه قرشی کوره شیش مخصوص اداره رییسی شونگه قوشیمچه قیلیب، زمین لرنی غضب ایتگن باشقه کوپ گینه دولت نینگ یوقاری مرتبه لی خادم لر دوسیه لری موجود لیگی دن هم سوزیوریتدی.

سو و برق وزیری محمد اسماعیل خان و هرات شهردارلیک رییسی محمد سلیم تره کی، حکومت نینگ یوقاری مرتبه لی خادم لری صفتیده، یوزلب جریب زمین نینگ غضب ایتیشگه عزیز الله لودین تمانیدن عیب دار تانیلگن لر.

هرچند اسماعیل خان مذکور عیب لاولرنی رد ایتگن عین حالده او نینگ بیر قنچه طرفدار لری لودین گه قرشی ناراضلیک نمایش لر هم یولگه قویگن لر لیکن لودین جنابلری، مذکور شخص لر یوزلب جریب زمین نینگ غضب ایتیشگه عیب دار تانیلیشی اوچون موثق حجت لر قولیگه بارلیگی نی ایته دی.

شونده ی بیرحالده، افغانستانگه یاردم بیروچی مملکت لر، افغانستانده فساد نینگ کینگ کولمده موجود لیگی شو نینگ دیک حکومت مذکور پدیده بیلن قرشی کورشه آلمه گنی نی جمهور رییس کرزی نینگ ناکام لیگی دیب بهاله گن لر. عین حالده مذکور مملکت لر، اگر ده کرزی جنابلری، فسادگه قرشی کوره شیش برنامه لری نی جدی توتمسه افغانستانگه بیره یاتگن یاردم لری نینگ توخته تیشیده آگاه لنتیرگن لر.