ملی جبهه دوستم گه قره تیلگن عیبلاولرنی محکوم قیلدی

Image copyright BBC World Service

افغانستان ملی جبهه رییسی احمد ضیا مسعود جنرال عبدالرشید دوستم حکومت تمانیدن خیانت گه عیبلنگنی نی محکوم قیلدی.

مسعود جنابلری گه کوره، جنرال عبدالرشید دوستم فقط آمو دریا نفت لری چیقروچی کمپنی گه، محل ده کی اهالی دن فایده لنیش لرینی ایتگن و خلاص.

شو نینگ دیک ملی جبهه، آمو دریا ده گی نفت لرینی چیقروچی چین کمپینی سی نینگ شریکی جمهور رییس کرزی قرینداش لریدن ایکن لیگی نی ایتیب، خود شو مسئله اوچون جنرال دوستم گه توطئه قیله دی دیب ایتماقده.

احمد ضیا مسعود گه کوره، اگرده خود شونده ی عیب لاو لر ملی جبهه باشچیلیغ لریده دوام تارتسه مملکت بحران تمان گه کیتیشی ممکن لیگی نی اورغوله دی.

اسمی نی فاش ایتمه گن قاره لاوچیلیک بیر مقامی محلی رسانه لرنینگ بیری بیلن صحبت قیلب، افغانستان ملی خوف سیزلیک کینگاشی جنرال عبدالرشید دوستم نینگ ملی خیانت عیب له گنی نی ایتیب، مذکور اداره تیکشیریش ایشلرنی باشله یشی نی قاره لاوچیلیک دن طلب قیلگن لیگی نی ایتگن.

جنرال عبدالرشید دوستم، حکومت ملی خوف سیزلیک کینگاشی تمانیدن، آمو دریا ده کی نفت لرنینگ چیقریش اوچون توسیق بولگن اتهامی بیلن ملی خیانت عیبی بیلن دوچ کیلگن.

لیکن ملی جبهه رییسی احمد ضیا مسعود جمهور رییس کرزی همده حکومت ده کی بیر قنچه کیشی لر، مذکور جبهه رهبرلریگه فشار کیلتیریش یولی بیلن اوز منفعت لرینی قولگه کیلتیرماقچی دیب معلوم قیلدی.

احمد ضیا مسعود گه کوره، ملی جبهه اعضا لری هیچ بیر زمان خیانت قیلمه گن و حکومت خواه له یدی اوز خیانت لرینی یاشیریب، اپوزیسیون نی بدنام قیلسه.

هرچند حکوت باشلیغ لری رسمی شکلده ملی جبهه رهبر لریدن بیری جنرال عبدالرشید دوستم باره سیده انیق معلومات بیرمه گن لر، لیکن ملی جبهه باشلیغ لری، حکومت نینگ مذکور حرکت لری نی دیموکراسی فعالیت لرگه قرشی بیر عمل دییشماقده.

شو نینگ دیک حکومت، ملی جبهه اعضا لرینی ترور ایتیش اوچون ملی سرمایه پول لری دن فایده لنه یاتگن سوزلرنی هم ملی جبهه اعضا لری ایتیشماقده.