قزاقستان افغانستان نینگ اساسی پروژه لریده سرمایه یاتقیزماقچی

Image copyright bb

افغانستان دولتی، قزاقستان، افغانستان کانلری، تیمیر یول لری و زیر زمینی بولیم لریده سرمایه یاتقیزیشگه علاسی بارلیگی نی ایتماقده.

قزاقستان تشقی ایشلر وزیری کابلگه کیلیب، جمهور رییسی کرزی و مملکت تشقی ایشلر وزیری بیلن اوچره شیب، هر ایککله مملکت آره سیده سیاسی، امنیتی و اقتصادی همکارلیک لرنی کوچه یتیریشی اوستیده تاکید قیلگن.

یرژان قاضی خانوف نینگ کابلگه قیلگن سفری دن اساسی مقصد، آسیا قلبی آتی بیلن ایرته یولگه قوییلیشی کوتیله یاتگن انجمن ده اشتراک ایتیش دیر.

قزاقستان تشقی ایشلر وزیری مملکت تشقی ایشلر وزیری زلمی رسول بیلن بیر مطبوعات انجمنی اوتکزدی.

شو نینگ دیک، هر ایککله تشقی ایشلر وزیرلری آره سیده، سیاسی مصلحت لر همکارلیگی بیتیمی نی هم امضا قیلدیلر.

افغانستان و قزاقستان نینگ رابطه سی قریب ایگیرمه ییل بولگن. شو نینگ دیک قزاقستان افغانستان اوچون یولگه قوییلگن بن، استانبول و شیکاگو کبی خلق ارا انجمن لرده هم فعال شکلده حصه قوشگن.

حاضر افغانستان گه کیله یاتگن بغدای نینگ کوپ قسمی قزاقستان دن کیله دی.