اسلام کریموف : 2014 ییلدن کیین منطقه ده بوزغونچی کوچلر باش کوتره دی

Image caption خارجی قوشون لر افغانستاننی ترک ایتگنیدن کین بوزغونچی کوچلر منطقه نی بی قرار لشتریشگه حرکت قیله دی لر ، دیب ایتگن کریموف.

افغان –اوزبیک چیگره سیده بولگن اوزبیکستان جمهور رئیسی اسلام کریموف 2014 ییلدن خارجی قوشون لر افغانستاننی ترک ایتگنیدن کین بوزغونچی کوچلر منطقه نی بی قرار لشتریشگه حرکت قیله دی لر ، دیب ایتگن . 15 ینچی جون کونی اوزبیکستان جمهور رئیسی اوزبیک-افغان چیگره سینی اجره تیب توره دیگن آمو دریا ساحلیده گی " حیرتان " چیگره نقطه سیگه بارگن . اوزبیک چیگره چی لری بیلن کوریشگن کریموف افغانستان ده گی وضعیت حقیده گپیرگن. اوزبیگ چیگره خذمتیده گی هر بیر قوماندان نینگ اوز قولی آستیده گی عادی چیگره چی لرگه جیو سیاسی وضعیت نی توشونتیرب بیریش لازم لیگنی ایتگن اوزبیکستان رهبری. امریکا قوشمه ایالاتی افغانستان ده گی انقراضنی حل ایتیش یولیده کته مبلغ لرنی صرف له دی . و نتیجه سی نمه بولدی ؟ قرمه –قرشی لیک حالی هم دوام ایتیپتی. منه حاضر اتفاق کوچ لر مملکت نی علاجی باریچه تیزراق ترک ایتیشنی ریجه لیپتی.و بوزغونچی کوچلر هم پیت پایلب توریپتی. قوشونلر چیقیب کیتیشی بیلن اولر باشینی کوتره دی ، دیگن جمهور رئیس کریموف . جمهوررئیس اسلام کریموف اوزبیکستان افغانستان ده گی انقراض تینچ یول بیلن حل ایتلیشنی دستکلشینی، افغانستان خلقی نینگ اوزی سیله گن رهبریتی بیلن ملاقات اورنه تیشنی استه شینی ایتگن. " افغان معما سی 30 ییلدن بویان دوام ایتیپتی. آخرگی 30 ییلده اوروش لر کیتیپتی.اگر افغان خلقی نینگ اوزیگه قویب بیرلسه ، اولر انچه آلدین یره شیشگن بولر ایدی. خلق نیمه نی خواهلیدی؟ البته ، تینچ لیکنی . بیز افغان خلقی بیلن و خلق اوزی سیله گن رهبریت بیلن ملاقاتنی اورنه تیش مقصدینی کوزلیمیز"، دیب ایتگن جمهور رئیس کریموف. شو کونی اوزبیکستان جمهور رئیسی سرخان دریا لیک دهقان لر بیلن اوچره شگن. ترمز شهریده سرخاندار ولایت کینگاشی مجلسی اوتکزلگن، اونده اسلام کریموف نور مومن چاریوف نی سرخانداریا ولایتی حاکمی ایتیب تعینله گن.