دنیا نینگ کوپ سانده گی مهاجرلرینی افغان لر تشکیل بیرگن

Image copyright AP

بیرلشگن مللت لر تشکیلاتی نینگ قاچقین لر بویچه کمیشنری ، 800 مینگ کیشی اوز مملکت لرینی ، ترک ایتیب چیت گه چیقیشگه مجبور لنگنینی ایتگن.

افغانستان، اوچ میلیون قاچقین بیلن حاضرهم برینچی اورینده تورگن. عراق، سومالی و سودان ایسه افغانستان دن کیینگی اورینده تورگن مملکت لردن حسابلنه دی.

ژنیوا ده مرکزی بولگن یو ان ایچ سی آر، بو رقم لرنی 2011 ییلگه عاید بولگنینی معلوم قیلیب، مجبور روشده اوز اوی جای لریده چیقیشگه مجبور لنه یاتگن لر سانینی کوپیه یاتگنیده خواطر اظهار ایتگن.

بیرلشگن مللت لرتشکیلاتی نینگ قاچقین لر بویچه اداره سی سوزچی سی نادر فرهاد گه کوره، 2 اعشاریه 7 ملیون افغان اوتیز ییل دن بیری مهاجر شکلیده دنیا نینگ ایریم مملکت لریده اینیقسه پاکستان و ایران گه حیات کیچیره دیلر.

فرهاد جنابلری نینگ معلوم قیلیشیچه، لیکن بو رقم دن تشقری اوتگن اون ییل جریانیده مملکت 25 فایز نفوسی قیته دن اوز مملکت لریگه کیلگن یعنی بو رقم 5 اعشاریه 7 ملیون نفر نی تشکیل بیره دی.

فرهاد جنابلری حاضر هم کوپ گینه افغان لر بار کی خارجی مملکت لرده مهاجر بولیش یا که پناهنده لیک ایسته یش لرینی ایتدی.

اونگه کوره، بو افغان لر اوز مملکت لریده ایش سیزلیک و حیات لریده تورلی قیین چیلیک بولگنی اوچون اولکه لریدن چیقیش نیتده بوله دیلر.

لیکن فرهاد جنابلری، افغانستان نینگ سیاسی، اجمتاعی، اقتصادی و فرهنگی وضعیتی یخشی تمانگه کیتیشی توغری سیده امید لر بارلیگی دن سوز یوریتدی. تا که مردم نه یالغوز خارج گه کیتیش دن باش تارتسه لر بلکه خارج ده گی افغان لر هم قیته دن اوز مملکت لریگه قیتیب کیلسین لر.