خلیلی: حکومتده گی قاچاقچیلر محکمه گه تارتیلسین

Image copyright khalili.af

افغانستان جمهور رییسی نینگ ایککینچی اورین باسری محمد کریم خلیلی، مخدره ماده لر قاچاقیگه قولی بولگن دولت یوقاری مرتبه لی خادم لری نینگ خوف سیزلیک نهاد لر تمانیدن اوشله ب آلینیشینی طلب قیلدی.

خلیلی جنابلری، حکومت مخدره ماده لر اساسی قاچاق چیلری نینگ اوشله ب آله آلمس لیگیگه ناکام ایکن لیگی نی معلوم قیلدی.

رسمیلرگه کوره، مخدره ماده لر قاچاقی مملکت نینگ کتته بحرانی گه ایلنگن. شو نینگ دیک اگرده قاچاق چیلر اوشلنمسه لر، افغانستان اقتصادی مافیا قولیگه توشیش خواطری کوچه یدی.

حکومت گه کوره، مخدره ماده لر قاچاقی دن قولگه کیله یاتگن مبلغ، مخالف گروه لرنینگ اساسی درامد لری حسابلنه دی.

بیرلشگن ملت لر تشکیلاتی تمانیدن ترقه تیلگن حسابات، دنیا نینگ 90 فایزی دن کوپراق مخدره ماده لری افغانستانگه ایشله ب چیقاریله دی.

قندهار، هلمند، نیمروز، فراه، ارزگان، زابل و باغیس ولایت لری، افغانستان ده گی مخدره ماده لری نینگ چیقاروچی اصلی منطقه لری دیب تانیلگن.

مملکت نینگ 95 فایز مخدره ماده لر خود شو ولایت لرده ایشله ب چیقاریله دی اما قالگن بیش فایزی ایسه، مملکت نینگ باشقه ولایت لریده ایکیله دی.

شونده ی بیرحالده، جمهور رییس کرزی نینگ ایککینچی اورین باسری محمد کریم خلیلی ایسه، حکومت چوکاتیده ایشله یاتگن یا ده اوندن تشقریده بولگن مخدره ماده لر قاچاق چیلری محکمه گه تارتیلیشی نی طلب قیلماقده.

"بعضاً شونقه سوزلر ایتیله دی کی بیر قنچه مقام لر بو قضیه ده قوللری بار. انیق بولیشی کیره ک، نیگه بیز هر دایم کلی شکلیده گپیره میز. بیز شونده ی بیر زمانده بو پدیده بیلن یخی کوره شاله میز که اساسی نفر لرنی هر کیم یا هر ییرده که بولسه، کشفی ارگان لریمیز تانیب، و معرفی قیلسین لر. "

خلیلی جنابلری، مخدره قاچاقچیلری محکمه گه تارتیلمس لیگی اوچون حکومت نی تنقید آستیده هم آلدی.

اما افغانستان دنیا نینگ توقسن فایز مخدره ماده لرینی ایشله ب چیقاریشی دن تشقری، بو مملکت ده اینگ آز بیر ملیون انسان مخدره ماده لرگه معتاد شکلیده حیات کیچیره دی.

داکتر ثریادلیل مملکت عامه ساغلیک وزیری:

"قریب 900 قیرق مینگ نفر افغانستان ده مخدره ماده لر گه معتاد. بو جلمه دن، 230 مینگ نفر هیرویین گه معتاد، بولر هیرویین نی ایریم شکلیده استفاده قیله دیلر. آغزدن توتیب تا پیچکاری گه چه. "

افغانستان حکومتی نینگ حساباتی گه کوره، توقیز ملیون انسان کم بغللیک بیلن حیات کیچیره دی. شونینگ دیک ینه تورت ملیون انسان، ایش سیز دیر.

بیر قنچه کوزه توچیلرگه کوره، افغانستان اقتصادی انقراض بیلن روپه ره بولگنیگه قرگنده، مخدره ماده لر قاچاقی بیلن قرشی کوره شیشی انچه قیین. اما حکومت ایسه، بو توغری ده خلق ارا هم جمعیت مملکت لر نینگ دایمی یاردمی گه احتیاجی بار.