اوچ قوه نینگ قوشمه جلسه سی اولوسی جرگه تالاریده بولیب اوتدی

اوچ قوه یغینده سوزگه چیققن افغانستان جمهوررییسی حامدکرزی اداری فساد نینگ یوق ایتیش، حکومتدارلیک نینگ کوچیتریش اوچون جدی سعی قیلیشینی اورغولب، بوندن بویان مصلحتلر اساسیده ایش آلیب بارمسلیگینی تاکیدله دی.

همده حامدکرزی ، اداری فسادنینگ یوق ایتیش اوچون، امریکا لیکلرتامانیدن افغان مقاملری و اولرنینگ قرینداشلریگه قراردادلر بیریلمسلیگی اساسی شرط دیه فکر بیلدیردی.

اونگه کوره، امریکالیک لردن قرارداد قولگه کیریتگن مقاملر حتی کی جمهورریس سوزلریگه بهابیرمیدی. کابل بانک معماسیگه هم توخته لیب اوتگن جمهوررییس کرزی، تشقی بانک لرده انتقال بیریلگن کابل بانک پوللرینی قیته اولکه ده آلیب کیلینیشی و مرکزی بانک نینگ سابق رییسی قدیر فطرت نینگ قیته اولکه گه قیته ریشینی امریکا قوشمه ایالت لریدن سوره ب بوحقده شوندی دیدی : " اگر امریکا فساد نینگ یوق ایتیلیشینی طلب قیلسه بوموضوع لرگه جدی اعتبار قره تسین."

عینی حالده کرزی جنابلری امریکا قوشمه ایالت لری قوشیمچه بیرقنچه تشقی دولت لر بیلن استراتیژیک علاقه لر امضالنگنینی تیلگه آلیب بوکبی کیلشوو بیتم لر افغانستان منعفتی گه ایکنینی ایتدی؛ اما جمهوررییس اوز سوزلری دوامیده اولکه نینگ ایچکی معمالری و حکومتدارلیکنی کوچیتریش افغان لر وظیفه سی ایکنینی تاکیدله دی.

شونینگ او، افغانستان دولتی اداره لریده، قوم پرست لیک، وتنظیمی علاقه لر اوته کوچلی ایکنینی ایتیب بوکبی معمالرنی یوق ایتیشیگه اورغو بیریلشینی تاکیدله دی.

افغانستان جمهوررییس حامدکرزی قدرت گه کیلیشی بیلن شو حاضرگه قدر مصلحت لر اساسیده ایش آلیب باره یاتگنی گه عیبله نیب کیلینماقده ، بیراق کرزی جنابلری بوندن بویان مصلحتلرگه اونچه لیک بهابیرمه یشینی اورغولب، حکومتدارلیک نینگ کوچیترییش اوچون جدی راق یانداشیش وعده سینی بیردی.

باشقه تاماندن کرزی جنابلری اولکه نینگ ایریم حدودلریده، ینه ده قورال کوچی حاکم بوله یاتگنیدن خواطر اظهار ایتیب بومعمانی الدینی آلیش اوچون، افغانستان ایچکی ایشلر وزیرلیگیگه وظیفه بیرگنینی معلوم قیلدی، لیکن بوموضوع قیسی منطقه لر وکیم لرتامانیدن عملگه آشریله یاگنی خصوصیده هیچ نرسه ایتمه دی.

افغانستان پارلمان کینگاشی هم اداری فسادگه قرشی کوره شیش و حکومتدارلیک نینگ کوچیتریش اوچون ایریم تکلیف لرنی ایلگری سورگن. لیکن کرزی جنابلری بو کبی تکلیف لر باره سیده کینچه لیک صحبت له شیشینی معلوم قیلدی.