پارلمان قدیمکی اعضالریدن بیری جنسی زورلشگه عیبدار تانیلگن

افغانستان باش قاره لاوچیلیگی مملکت پارلمانی نینگ قدیمکی اعضالریدن داکتر کبیر رنجبر نینگ آدم اوغیرلش و جنسی زورلش عیبی بیلن اوشله ب آلگن.

قاره لاوچیلک گه کوره، رنجبر جنابلری بیر قیز و آته سی تمانیدن یولگه قوییلگن عیب لاولر اوچون اوشله ب آلینگن.

قاره لاوچیلیک اداره سی نینگ اورین باسری رحمت الله نظری بی بی سی بیلن بولگن صحبتیده، رنجبر جنابلری نینگ دوسیه سی تیکشیریش آستیده ایکن لیگی نی معلوم قیلدی.

کبیر رنجبر افغانستان سیاستی نینگ تنیق شخصیت لریدن دیر. او اوتگن پارلمان اعضا سی ایدی اما حاضر، حق و عدالت حزبی نینگ مهم اعضا لریدن حسابلنه دی.

مملکت باش قاره لاوچیلیک اداره سی، کبیر رنجبر نینگ اوشله ب آلگن خبری چیقیشی بیلن، بی بی سی رنجبر یا ده او نینگ مدافع وکیلی بیلن مذکور عیب لاو لر توغریسیده سوره ش اوچون تماس آله آلمه گن.

قاره لاوچیلیک اداره سیگه کوره، رنجبر جنابلری، آدم اوغیرلش و جنسی زورلنیش عیبی بیلن اوشله ب آلینگن.

"بو قیز نیچه آی ایلگری، اختطاف بولگن ایدی، و بونینگ تاپیش اوچون، پولیس، ملی امنیت و قاره لاوچیلیک اداره سی، سعی قیلریدیلر. بالاخره، بو قیزنینگ تاپیب آله دیلر و بو قیز ادعا قیله دی که رنجبر نی یانیده ایکن و اوندن بیر اون – اون ایککی کون لیک گودکی هم بار."

نظری جنابلری شونگه قوشیمچه قیلیب، حاضر بو قضیه تیکشیریش آستیده دیر و کوپراق جزییاتی انیق لنمه گن.

شونده ی بیرحالده بیر قنچه رسانه لر، قارلاوچیلیک اداره سی قولیدن مذکور قیز کبیر رنجبر اوییدن تاپیلگنی نی ترقه تگن لر.