اندرتومنی اهالی سی طالبان گه قرشی عصیان قیلدی

Image copyright aljazeera.net

غزنی نینگ محلی رسمیلری، طالبان قرشی سیده مردم مردم تمانیدن یولگه قوییلگن عصیان کینگه ییشی دن سوز یوریتماقده لر.

هرچند طالبان گروهی زهر سیپیش و مکتب لرنینگ اوتگه توتیش مسئله لرنی رد قیلیب، بونگه استخبارت ترماغ لری نینگ قول لری بارلیگی نی ادعا قیلگن لر لیکن افغانستان حکومتی معارف فعالیت لریگه قرشی لیک کورسته یاتگن لر طالبان ایکنی نی ایتگن.

شونده ی بیرحالده غزنی نینگ اندر اولوسوالیگیده گی اهالی هم مذکور آت سیز ینگی گروه دن حمایت بیلدیرماقده لر.

اندر آق سققال لریدن بیری گل محمد:

"بو مردم تمانیدن یولگه قوییلگن عصیان و مردم نینگ ایسته گی بیلن یولگه قوییلگن. بو عصیان مردم نینگ اورته دن ایلتیش اوچون یولگه قوییلمه گن بلکه بو عصیان مردم نینگ حقی نی قولگه کیلتیریش اوچون همده توپراغیمیز دن دفاع ایتیش اوچون یولگه قوییلگن. بو عصیان نینگ مهم یوتوق لری بار، بیرینچی دن اندر اولوسوالیگی نینگ برچه مکتب لری فعالیت گه باشله گن، شو نینگ دیک بازار لر فعالیت ده باشله گن. عین زمانده قیته قوریش مسئله لریگه زمین یره تیلگن."

اندر اولوسوالیگیده گی مردم نینگ قوراللر بیلن جهازلنتیریب رهبریت گه قرار تاپگن، لطف الله کامران ناملی بیر شخص گه کوره، اولر حاضر اندر الوسواللیگی نینگ 30 آرتیق قشلاقیده طالبان گروهی نینگ فعالیت لرینی اورته دن ایلتگنلر.

"بیز بیلن مردم، بیز بیلن طلبه لر، بیز بیلن محصل لر، بیز بیلن آق سققال لر، یقین قیلینگ که بیز بیلن عیال لر هم بار. حاضر گه چه بیز تورت بیش قشلاق ایدیک ایندی بیز جیرو اولوسوالیکگه هم ییتیشگن میز، یعنی بیز ایندی، 31 قشلاق بولیب قوراللریمیز بیلن عصیانی میزنینگ دوام بیرماقده میز."

شو نینگ دیک کامران جنابلری بی بی سی بیلن بولگن صحبتیده، نه دولت و نه هم طالبان گروهی بیلن علاقه قورماقچی میز دیب معلوم قیلدی.

بو شخص بوندن اول طالبان بیلن همکارلیگی باریکن اما حاضر مذکور گروه گه قرشی ینگی حرکت نی رهبریت قیلماقده.

بو حالتده قرگنده، غزنی محلی رسمیلری، مذوکور ولایت اهالی سی تمانیدن طالبان قرشی سیده یولگه قوییلگن عملیات لرنینگ یخشی نتیجه بیرگنی نی ایتیب، حاضر غزنی ولایتی نینگ اندر اولوسوالیگیده گی مکتب لر قیته دن فعال بولگنینی معلوم قیلگن لر.

غزنی ولایتی حاکمی نینگ اورین باسری محمد علی احمدی :

"بو حرکت مردم تمانیدن عملی شکلیده یولگه قوییلدی. بو حرکت هیچ بیر ارگان تمانیدن رهبری بولمه گن. شو اوچون بو حرکت کینگه ییب کیتگن. اما بو که حکومت مردم نینگ امنیتی نی سقله ش اوچون همده مردم نینگ ایرکین شکلده فعالیت لری بجیریلیشی اوچون یعنی مکتب لر، بازار، صحی خذمت لرنینگ ترقه تیش اوچون مسوولیتی بار، طبیعی که مردم تمانیدن یولگه قوییلگن عصیان دن حمایت قیله دی. لیکن بو حرکت سیاسی قالبیده بولمه ماغی کیره ک. "

غزنی ولایتی اندر الوسواللیگی نینگ 41 مکتبی بار، همده مذکور تومنده، 22 مینگ طلبه درس اوقیدی.

مذکور تومن نیچه ییل دن بیری طالبان گروهی نینگ تهدید لری بیلن یوزمه یوز بولگن. شو نینگ دیک طالبان عموماً آلگنده غزنی ولایتی اینیقسه اندر تومنی ده گی اهالی نی مکتب گه کیتمس لیک لری اوچون آگاه لنتیرگن لر.