"اهالیگه تیگیشلی بولگن نمره لر دولت مقاملریگه ترقه تیلماقده"

پایتخت کابلده ناراضلیک نمایش یولگه قوییگن ایریم کابلیکلر اهالیگه تیگیشلی بولگن نمره لر یوقاری مرتبه لی دولت خادملریگه ترقه تیله یاتگنینی ادعا قیلیب حکومت نینگ بوعملینی قتیغ قاره لب چیقدیلر.

نمایشچیلرگه کوره بوندن قریب اون آلتی ییل آلدین بلدیه اداره سی تمانیدن اولرگه نمره ترقه تیش حجتی بیریلیب ، لیکن اولر شوپیتگه قدر نمره قولگه کیریتمه گنلر.

اونلب کابلیک لر فاسده گه باتگن حکومت نینگ ایسته میمیز و عدالت تامین لنسین دیگن شعارلربیلن چیقدیلر همده اولر، کابل بلدیه اداره سیگه قرشی شعارلرهم بیررایدیلر. چونکی اولرگه کوره کابل بلدیه اداره سی احتیاج مند عاییله لرگه نمره ترقه تیش اورنیده، زورمند و دولتی مقاملرگه نمره تره قه تیب کیلماقد.

ناراضلیک نمایش اویشتیرگن شخصلر ییر لرنی غصب بولیشگه کوپراق دولت نینگ یوقاری مرتبه لی ادملری مسوول دیه فکر بیلدیردی:"کور؛ کر دولتدن ایستمیز کی کوز لرنی آچیسن قولاقلرینی آچیسن، افغانستان دولتی فسادگه باتگن بیرینچی دولت دیه کورسه تیلماقده، شونینگ دیک مخدره ماده لر قاچاقی اوز اوجیگه ایتیشگن.همده فساده گه باتگن دولت اداره لرده گی مقاملرنینگ ییرلرنی غضب ایتیشیگه قولی بار، میلیاردلر پول کیلدی، لیکن مردم نینگ حقی بیریلمه دی.بیز حقی میزنی ایستیمیز."

عینی حالده ناراض کیشیلر حکومت مافیا تامانیدن اداره بولیب کیلینه یاتگنینی ادعا قیلیب شوباعث هم مردم نینگ برحق سیس لری اییشتیلمه یاتگنینی ایتدیلر.

نمایشچیلردن باشقه بیرینی ادعا قیلیشیچه، کابل شهری نینگ قلعه زمان خان منطقه سیده اولرگه نمره ترقه تیلیشی اوچون رسمی حجت بیریلگن، بیراق دولت شو پیتگه قدر اولرگه حقلرینی بیریشمه گن:"اون التی ییل آلدین سیزگه نمره بیره من دیب بلدیه اداره سی بیزگه حجت بیرگن، تورت ییلدن بیری بیز مراجعه قیله میز لیکن بلدیه مسوولی بیزنی سیسی میزنی ایشیتمیدی. چونکی بلدیه اداره سی بیزگه تیگیشلی بولگن نمره لرنی زورمند کیشی لرگه بیرگن."

بوندن آلدین هم قلعه زمان خان منطقه سیده ییری میز باردیب دعوا قیلگن شخصلر ناراضلیک نمایش اویشتیرگندی.

خوب ناراض کیشلرتامانیدن ایلگری سوریلگن ادعالرگه قنچه لیک جان بار بوباره ده کابل بلدیه باشلیغی یونس نو اندیش شوندی دیدی:"بو شخصلر یوزکون هم ناراضلیک نمایش اویشتیرسه، اولرگه نمره ترقه تیش اوچون هیچ قندی امکانیت یوق، نه فقط بولر بلکه باشقه 33 مینگ کیشی هم عینی قینچلیک بیلن یوزمه یوز، بومشلکنی مین توغدیرمه گن من، حجتی بولگن شخصلرنی ایریم لریگه نمره ترقه تیلگن لیکن سندی بولیب نمره قولگه کیرتمه گن شخصلر شوندی ناراضلیک نمایشلرنی یولگه قویب کیلماقده لر."

اهالی ملکیتلری و دولت گه تیگیشلی بولگن ییرلرنینگ زورمند کیشی لرتامانیدن غضب ایتیله یاتگنی باره سیده شکایت ارتیب باریشی بیلن افغانستان جمهوررییسی حامدکرزی بویوروغی اساسیده ییرلرنی غضب ایتیش حاللرنی آلدینی الیش اوچون مخصوص بیر کمیسیون ایجاد ایتلیب فعالیت گه باشله دی.

لیکن شوندی بولیشگه قره مسدن هلی هم ییرلر عضب بویلیب کیلینه یاتگنی مردم نینگ جدی غضب لنتیرگن.