توکیو انجمنیده افغانستان ترقیاتی اوچون مالی یاردملر قراری بیریله دی

Image copyright Getty Images

خلق ارا بانکی، افغانستان اوچون توکیو انجمنیده تخصیص بیریلیشی کوتیله یاتگن مالی یاردم لر، مذکور مملکت نینگ اساسی برنامه لریگه اجره تیلیشی اوستیده تاکید قیلگن.

خلق ارا بانک نینگ رییسی باپ سام مذکور یاردم لرنینگ کوپ قسمی افغانستان دولتی تمانیدن صرفلنیشی نی هم طلب قیلدی.

شونینگ دیک افغانستان مالیه وزیرلیگی میلادی 2025 نچی ییل گه قدر افغانستان نینگ 22 ملی ترقیات برنامه سی نینگ عملگه آشیریش اوچون خلق ارا یاردم لرگه احتیاجی بارلیگی نی معلوم قیلدی.

خلق ارا بانک تمانیدن یولگه قوییلگن حساباتگه کوره، افغانستان 2014 نچی ییل دن کیین، هر ییلی اوچ دن تا تورت ملیارد دالر گه چه مالی انقراض بیلن یوزمه یوز بولیشی کوتیله دی.

مذکور بانک، بو مبلغ نینگ قولگه کیلتیریش اوچون، توکیوده یولگه قوییلیشی کوتیله یاتگن انجمن ده خلق ارا هم جمعیت مملکت لر یاردم بیریش سوزینی آلیشی بیلن حل بولیشی ممکن لیگینی هم بیلدیرگن.

خلق ارا بانک رییسی باپ سام:

" خلق ارا هم جمعیت مملکت افغانستان اوچون بیره دیگن یاردم لری، افغانستان دولتی نینگ برنامه لری اساسیده بولیشی کیره ک. شو نینگ دیک مذکور یاردم لر کوپراق محلی صورت ده یعنی افغانستان دولتی تمانیدن صرفلنیشی کیره ک. ملی بودجه طریقی دن بو یاردم لر صرفلنیشی، خلق ارا هم جمعیت مملکت لر نینگ ایشانچی نی هم قولگه کیلتیره آله دی."

خلق ارا بانک نینگ رییسی شونگه قوشیمچه قیلیب، افغانستان دولتی مملکت نینگ یخشی حکومت دار چیلیگی و خوف سیزلیک نینگ توله تامین لشگه جدی شکلده سعی و حرکت قیلیشی نی هم ایسته دی.

شونینگ دیک افغانستان مالیه وزیری عمر زاخیلوال هم توکیو انجمنیده افغانستانده 22 ملی ترقیات برنامه لرنینگ ایلگری سوریش گه تیارگرلیک آلگنی نی معلوم قیلدی.

" میلادی 2025 نچی ییل گه بیز تمانیدن تصویرلنگن مسئله ده ایریشیش اوچون، افغانستان ملی ترقیات برنامه لری نینگ عملی بولیشی دیر. بو برنامه لرگه ایریشیش گه بیر هزینه بار لیکن بیز بو هزینه نی توله آلمه یمیز، عایداتیمیز بونی تولدیره آلمه یدی. بیز خلق ارا همجمعیت مملکت لردن توکیو انجمنیده بو هزینه نینگ طلب قیله میز. خوشبخت لیک بیلن بیزنینگ حساباتی میز خلق ارا بانک نینگ حساباتی بیلن کوپ یقین دیر."

بوگون کی یغین ده جاپان ایلچیسی هم قتنه شگن ایدی، مذکور مملکت نینگ افغانستانده گی ایلچی سی رچیرو تاکاشی، توکیوده یولگه قوییله یاتگن انجمنده، افغانستان نینگ اقتصادی ترقیاتی دوام تارتیشی شو نینگ دیک خلق ارا هم جمعیت مملکت لر نینگ افغانستان اوچون بیره یاتگن یاردم لری دوامی اوستیده تاکید بوله دی دیب اورغو بیردی.

جاپان اولکه سی اون ییل ایلگری هم افغانستان نینگ قیته قوریشی اوچون خلق ارا بیر انجمن نی یولگه قویگن ایدی. اوتگن اون ییل جریانیده خلق ارا هم جمعیت مملکت لر قریب 40 ملیارد دالر افغانستانگه یاردم بیرگن. افغانستان دولتی گه کوره، مذکور یاردم نینگ 25 فایزینی اوزی صرفله ب، باشقه سی یاردم بیروچی مملکت لر تمانیدن صرفلنگن.

شو نینگ دیک کیله سی هفته ده، قریب 80 اولکه و خلق ارا تشکیلات لر قتنه شیشی بیلن افغانستان اوچون بیریله یاتگن یارم لر، میلادی 2025 نچی ییل گه قدر دوام تارتیلیشی اوچون توکیو ده گی انجمنده سوز بیریلیشی کوتیلماقده.