ملی جبهه: تیزیم اوزگرتیریلمسه، توکیوده گی پول لر حیف و میل بوله دی

افغانستان ملی جبهه سی مملکت ده گی سیاسی تیزیم اوزگرتیرمسلیگی و اداری فساد اورته دن کیتمه یشی بیلن، خلق ارا هم جمعیت مملکت لر نینگ 2025 ییل گه قدر بیره یاتگن مالی یاردم لری فنا گه کیتیشی بیلن آگاه لنتیرگن.

مذکور جبهه توکیوده یولگه قوییلیشی کوتیله یاتگن خلق ارا یغین نی افغانستان نینگ کیله جگی اوچون مهم بیر آدم دیر دیب معلوم قیلگن.

شو نینگ دیک ملی جبهه سوز چیسی فیض الله ذکی دولت نینگ یوقاری مرتبه لی خادم لرینی افغانستان اقتصادیاتی نینگ مافیایی قیلیش گه عیب له دی.

جهانی بانک تامانیدن چیقاریلگن حساباتگه کوره، میلادی 2014 ییلدن کیین افغانستان هرییل اینگ آز تورت میلیارد دالرگه احتیاجی بار. بو مبلغ نینگ دنیاجماعت چیلیگی تامانیدن توله نیشی توکیو انجمنیده وعده بیریلیشی کوتیله دی.

شونینگ دیک جهانی بانک، افغانستانگه بیریله دیگن یاردملرنینگ کوپ قسمینی حکومت تمانیدن صرف ایتیلیشینی طلب قیلگن.

شونده ی بیر حالده افغانستان ملی جبهه سی، دولتی اداره لرده گی موجود فساد بوکبی یاردم لرنی اوز جایگه صرف ایتیلمه یشی ممکن لیگیدن خواطر بیلدیردی.

عینی حالده ذکی جنابلری، جمهوررییس کرزی، و اونینگ اورین باسرلری افغانستان ملی اقتصادیاتینی مافیای قیله یاتگنلیک لرینی ادعاقیلیب، مملکت نینگ ییریک برنامه لری بو مقاملر قرینداشلری تامانیدن تصرف ایتیلگنینی هم ایتدی.

شونگه علاوه دنیاجماعت چیلیگی هم فساد نینگ آلدی آلینمه یاتگنیدن جدی تشویش بیلدیریب، دولت نینگ اداری فسادگه قرشی جدی کوره شیش گه چقریب کیلگن.

افغانستان جمهوررییسی حامدکرزی هم دولتی اداره لرده گی فسادنی رد قیلمی بونگه قرشی کوره شیش اوچون ایریم اداره لرنی ایجاد ایتگن.

اوتگن اون ییل جریانیده افغانستان اقتصادی دنیاجماعت چیلیگی اینیقسه امریکا قوشمه ایالت لری نینگ یاردم لریگه تیه نیب کیلگن. اما 2025 میلادی ییلگه چه خلق ارا هم جمعیت مملکت لر یاردم لری نینگ دوام تارتیشی افغانستان دولتی اوچون یخشی زمینه یره تگن.

تحلیلچیلر گه کوره، افغانستان حکومتی یره تیلگن بوکبی فرصت لردن فایده له نیب اداری فسادگه قرشی جدی کوره شسه افغانستان ترقیاتی اوچون اوته مهم وثمره لی بولیشی ممکن.

لیکن شوپیتگه قدر اداری فسادگه قرشی کوره شیش اوچون بولگن برنامه لرنی اونچه لیک ایش بیرمه گنی کوپچیلیکنی امید سیزقیلگن.