عبدالله: توکیو انجمنیده ایلگری سوریله دیگن ریجه کمچیلیکلر بیلن بیرگه

Image copyright .

توکیو انجمنیده بیر کون قالرایکن، ملی ائتلاف رییسی عبدالله عبدالله، افغانستان حکومتی تمانیدن مذکور انجمن گه ایلگری سوریش اوچون توزه تیلگن ریجه نینگ تنقید آستیده آلدی. عبدالله جنابلری گه کوره، جمهوررییس حامدکرزی افغانستان نینگ مهم مسئله لری نی مذکور ریجه گه کیریتمه گن."تاسف بیلن دولت تمانیدن توکیو انجمنی اوچون تیارلنگن سند نینگ انچه قیین چیلیگ و کمچیلیگی بار. بو اساسی سبب، حکومت بو سند توغری سیده یخشی ایشله مه گن شو نینگ دیک بو سند باره سیده باشقه لر اینقسه سیاسی حزبلر بیلن بحث آلیب باریلمه گن چونکه بو سند اوشه دوره ده تیگیشلی که حاضر گی حکومت افغانستان مردمی نینگ مزاحمی بوله آلمه یدی. شو مسئله اوچون مذکور سند توزه لیشی توغری سیده، اپوزیسیون گروه لری، پارلمان اعضا لری و مدنی قوریلمه لر بیلن بحث بولیشی کیره ک ایدی." ملی ائتلاف رهبریدن تشقری، حکومت سیاستی نینگ ینه بیر کوچلی اپوزیسیون گروهی جبهه ملی هم اگرده افغانستانده سیاسی تیزم اوزگریلمسه، توکیو ده افغانستان نینگ کیله سی اون ییلی اوچون سوز بیریلیشی کوتیله یاتگن مبلغ لر حیف و میل بولیشی ممکن لیگی نی ایتگن ایدی. ملی جبهه و ملی ائتلاف گروه لری افغانستان حکومتی نینگ فساد گه قرشی کوره شه آلمه گنینی ایتیب، توکیو ده گی انجمن ده اداری فساد گه قرشی کوره شیش اوچون حکومت تمانیدن قندی دیر برنامه ایلگری سوریلمه یشینی ایتماقده لر. شونده ی بیرحالده، فسادگه قرشی کوره شیش اداره سی نینگ رییسی عزیز الله لودین هم جمهور رییس کرزی حکومتی ده گی بیر قنچه وزیرلرنی فساد گه قولی بارلیگینی معلوم قیلیب، لیکن حاضر گه چه محکمه گه هم تارتیلمه گنلیک لری نی معلوم قیلگن:""شونده ی وزیرلرنی تانیمن که آلتی ییل ایلگری خارج دن کیلیشی بیلن فقط بیر بکس دن تشقری هیچ نرسه لری یوق ایدی. بوگون قره نگ، پغمان گه اویی بار، کابل گه بار، جلال آباد گه اویی بار. قانون جدی شکلده عملی بولمه یاپتدی. بولمسه بیر وزیر اوزی گه بونده ی بیر رخصت نی بیره آلمه یدی. حاضر بیر وزیری بیر وزیرلیک دن باشقه سیگه کیتسه، اوزیگه خاص بیر تیمی بار، اوزی بیلن بیرگه آلیب کیته دی، مذکور وزیرلیک نینگ قدیمکی کارمند لرینی ایشدن چیقاره دی. ایندی معلوم که بو تیم بیر حلقه بولیب باند شکلده فعالیت قیله دی. باند بیلن کیله دیلر و باند بیلن کیته دیلر." جهانی بانک تامانیدن چیقاریلگن حساباتگه کوره، میلادی 2014 ییلدن کیین افغانستان هرییل اینگ آز تورت میلیارد دالرگه احتیاجی بار. بو مبلغ نینگ دنیاجماعت چیلیگی تامانیدن توله نیشی توکیو انجمنیده وعده بیریلیشی کوتیله دی. شونینگ دیک جهانی بانک، افغانستانگه بیریله دیگن یاردملرنینگ کوپ قسمینی حکومت تمانیدن صرف ایتیلیشینی طلب قیلگن. تحلیلچیلر گه کوره، افغانستان حکومتی یره تیلگن بوکبی فرصت لردن فایده له نیب اداری فسادگه قرشی جدی کوره شسه افغانستان ترقیاتی اوچون اوته مهم وثمره لی بولیشی ممکن. لیکن شوپیتگه قدر اداری فسادگه قرشی کوره شیش اوچون بولگن برنامه لرنی اونچه لیک ایش بیرمه گنی کوپچیلیکنی امید سیزلنتیرگن.