طالبان بیر عیال نی پروانگه قتل ایتگن

Image copyright AP

پروان حاکمی نینگ ایتیشیچه، طالبان گروهی بیر عیال نی مذکور گروه نینگ ایککی اعضا سی بیلن مشروع سیز علاقه قورگنی عیبلاوی بیلن، اولدیرگن.

بصیر سالنگی بی بی سی بیلن بولگن صحبتیده، طالبان بو ایککی طالب نی هم مذکور عیال بیلن قوشیمچه غوربند دره سیده هلاکت گه اوچره تگنلیگی نی ایتگن.

سالنگی گه کوره، ینه بیر شخص هم صحنه ده اولدیریلگن لیکن بو شخص نینگ هلاک بولیشی گه نیمه سبب بولگنی حاضر گه چه انیق لنمه گن.

پروان محلی رسمیلریگه کوره، طالبان گروهی تورت کیشینی بیر ساعت آره سیده تینچ اهالی یانیده مذکور ولایت دره غوربند تومنی نینگ شینواری منطقه سیده هلاک ایتگنلر.

مذکور ولایت حاکمی بصیر سالنگی طالبان گروهی پایتخت کابل نینگ یقینیده جایلشگن منطقه لرده مذکور عمللری آرقلی اوز موجودلیگی نی کورسه تیشگه اورینه یاتگن لیگی نی ایتیب ، لیکن طالبان گروهی مغلوبیتگه اوچره گن لیگینی هم ادعا قیله دی.

"جنایت یوز بیرگن منطقه ده اوشه پیله طالبان مسلط ایدی، لیکن حاضر تاغ لرگه قره ب قاچگن لر. چونکه بو منطقه ده بیر دره بار و غوربند دره سی نینگ شمالیده جایلشگن. یعنی سرک دن قریب اون بیش کیلو متر فاصله سی بار. هرچند طالب لر او ییردن قاچیب کیتگن لر ینه هم بیز بیر ریجه آرقه لی عملیات یولگه قوییب، جنایت چی لرنی اوشله ب آلیشگه اورینه میز."

پروان حاکمی گه کوره، خوفسیزلیک کوچلری منطقه گه یتیب بارگنیدن کیین طالبان گروهی منطقه نی ترک یتیب تاغلرگه قاچیشگه مجبور بولگنلر.

شوندی بیر حالده ایچکی ایشلر وزیرلیگی بیر بیانات آرقلی مذکور عیال نینگ اولدیریلشینی جنایت توصیف قیلیب قتیغ قاره لب چیقگن.

مذکور بیاناتده بو قتلنی انچه قورقینچ بولگن لیگی نی بیان قیلیب، ویدیولری یوتیوب ترماغیده ترقه تیلگن لیگی نی هم ایتگن.

بیاناتده، طالبان گروهی مذکور عیال نی بیر هفته آلدین هلاک ایتیشلری ایتیلگن.

طالبان گروهی بوندن آلدین هم نیچه عیاللرنی نامشروع عمللرگه قول اورگن عیبی بیلن افغانستان نینگ ایرم منطقه سی ده هلاک ایتگن لر.

بو هلاکلرنینگ بیری قندز ولایتیده، بیر قیز و بیر باله نینگ تاش باران بولیشی ایدی کی، مطبوعات آرقلی دنیا بویلب ترقه تیلدی.

طالبان بو ایککی شخص نینگ اوتگن ییلی نامشروع رابطه لری بولگنی عیبی بیلن، تینچ فقرا یانیده، تاش باران قیلگن ایدیلر.