دنیا 16 ملیارد دالر افغانستان اوچون سوز بیرگن

Image copyright AFP

توکیوده گی خلق ارا انجمن ده قتنه شگن لر، افغانستان اوچون 16 ملیارد دالر یاردم بیریشینی قرار آلگن لر.

مذکور مبلغ حربی سیز بولیم لرده اینیقسه، اساسی برنامه لرگه اجره تیلیشی ایتیلگن. شو نینگ دیک مذکور مبلغ، 2014 نچی ییلدن تا 2025 نچی ییل گه قدر صرفلنیشی بیلگی لنگن.

مذکور مبلغ نینگ کوپ قسمی نی امریکا، جاپان، آلمان و بریتانیا کبی اولکه لر تمانیدن بیریلیشی ایتیلگن.

افغانستان جمهور رییسی توکیو انجمنیده سوزگه چیقیب، اداری فساد گه قرشی جدی کوره شیش برنامه لری نینگ کوچه یتیریشی نی ایتگنی دن کیین، مذکور مبلغ نینگ بیریلیشی افغانستان گه سوز بیریلدی.

2014 نچی ییلده خارجی لر افغانستان دن چیقیب کیتیشی بیلن، مذکور مملکت ده قره مه قرشی لیک دوام ایته یاتگن لیگی دن انچه خواطر لر بارلیگی کورینماقده.

شونده ی بولسه هم، حاضر افغانستان اقتصادیات جهت دن خلق ارا هم جمعیت مملکت لر یاردمی گه جدی احتیاجی بار. عین زمانده، افغانستان خوف سیزلیک کوچلری نینگ خرجتی خارجی لر تمانیدن تولنماقده.

شونده ی بیر حالده، افغانستان جمهور رییسی حامد کرزی، سوز لری دوامیده، اوتگن اون ییل دن بیری افغانستان بیر قنچه یوتوق لرگه ایریشگن بولسه هم لیکن، حاضر هم انچه یاردم لرگه احتیاجی بارلیگی اوستیده تاکید قیلدی.

کرزی جنابلری، افغانستانده گی تا تنیچ لیک لرنی مذکور مملکت رواجلنیشی قرشی سیده تورگن اساسی قیین چیلیک لردن دیر دیب معلوم قیلدی.

بیرلشگن ملت لر تشکیلاتی نینگ باش وکیلی بانکی مون هم، افغانستان وضعیتی حاضر هم یخشی ایمس ایکن لیگی نی ایتدی.

" دولت دارلیک بولیمیده سرمایه یاتقیزیش ناکام لیگی، عدالت، بشر حقلری، اجتماعی رواجلنیش و ایش زمینه لر یره تیلیشیده، اوتگن اون ییل ده گی سرمایه یاتقیزیش و قربانلیک بیریشنی خطر لر بیلن یوزمه یوز قیلیشی ممکن."

شونده ی بیرحالده امریکا تشقی ایشلر وزیری خانم هیلاری کلینتون هم، افغانستان یوتوق لری نینگ سقله ش اوچون ایریم برنامه لرگه اصلاحات کیلیشی توغری سیده تاکید قیلدی.

70 اولکه و خلق ارا تشکیلات لر نماینده لر توکیوده گی انجمن ده قتنه شگن لر.

افغانستان دولتی 22 برنامه نینگ مذکور یغین ده ایلگری سوریشی ایتیلگن. بو برنامه لرنینگ اینگ مهمی، زراعت، و صحی خذمت لرنینگ یخشی لشتیریشی دیر.

افغانستان رسمیلری گه کوره، توکیوده سوزبیریلگن مبلغ لرنی قولگه کیلتیریش بیلن، مملکت نینگ اقتصادی برنامه لری نینگ کوچه یتیریشگه اورینیب، مملکت ده خودکفالیک زمینه لرنینگ یره تیش گه سعی و حرکت لرنی کوپه یتیره دیلر.