کرزی : طالبان افغانستان حکومتی بیلن مذاکره گه تیار

Image caption کرزی : طالبان گروه ی نینگ یوقاری مرتبه لی ملازم لریدن قاری دین محمد نینگ اعلام قیلیشیچه ، اولر( طالبان) افغانستان حکومتی بیلن صحبت قیلیشگه تیار.

جمهور رئیس حامد کرزی،طالبان بیرینچی مراتبه افغانستان حکومتی بیلن مذاکره گه تیار ایکنلیکلرینی ایتگن. 16 میلیارد دالر یاردم وعده سی بیرلگن توکیو یغینی آرتیدن، مطبوعات یغینی اوتکزگن جناب کرزی ، طالبان گروه نینگ یوقاری مرتبه لی ملازم لریدن بیری افغانستان تینچ لیک کینگاشی وکیلی بیلن اوچرشگنینی اعلام قیلگن. کرزی جناب لری نینگ ایتیشیچه :" ایککی هفته اول ، کیوتو شهر نینگ " دوشیشه " عالی درگاهیده یغین اوتکزلدی ، اونده طالبان ، حزب اسلامی و عالی تینچ لیک کینگاش نماینده لری اشتراک ایتگندی. اولر تینچ لیک برنامه سی باره سیده صحبت لشگن". " بو صحبت و بحث لر مهم بولگن و طالبان گروه ی نینگ یوقاری مرتبه لی ملازم لریدن قاری دین محمد نینگ اعلام قیلیشیچه ، اولر( طالبان) افغانستان حکومتی بیلن صحبت قیلیشگه تیار. دوشیشه عالی درگاهی یخشی تشبث بیلن چیققن ،بو کیله جگده هم دوام تاپه دی " . دیب ایتدی حامد کرزی طالبان محبوس لرنینگ آزاد لیگی افغانستان دولتی و شونگه اوخشش اولرنینگ خلق آرا حامی لری افغانستان ده گی فاجعه لرگه سیاسی ایچیم یولینی تاپیش اوچون بیرنیچه ییلدن بویان ییرک سعی حرکت نی یولگه قویب کیلماقده . افغانستان حکومتی ایرم طالبان محبوس لرینی قویب یوباریشگه هم حرکت قیلیب کیلماقده ، بوندن مقصد ایسه طالبان گروه نی تینچ لیک مذاکره لرگه تشویق ایتیش دیر. سونگی آی لرده امریکا لیک لر هم ایرم طالبان محبوس لرینی گوانتانامو قماقخانه سیدن قطرگه کیلتریش مساله سینی جدی بیرشکلده کوریب چیقماقده. جمهور رئیسی حامد کرزی ،افغانستان حکومتی طالبان گروه اعضا لری نی قویب یوباریش ریجه سینی قوللشینی بیلدرگن. کرزی جناب لری نینگ ایتیشیچه :"طالبان محبوس لری نی گوانتانامو قماقخانه سیدن قویب یوباریش خصوصیده ایتیشیم کیرک کی ، بیزبو ریجه نی تولیق دستکلی میز.طالبان محبوس لری بیلن صحبت قیلیش اوچون اوچ آی اول گوانتاناموگه هئیت یوباردیک.بیزطالبان اعضالری نینگ آزاد ایتلیشگه طرفدار میز.اگر طالبان محبوسلری افغانستان گه کیلماغچی بولسه ، خوش کیله دی لر یا کی قطرگه باریب عایله اعضا لری بیلن هم بیرگه بولیشلری ممکن". توکیو کنفرانسیده هم خلق آرا همجمعیت دولتلر افغانستان ده کی تینچ لیک سعی حرکت لریدن اوزطرفدارلیک لرینی بیلدرگن. خلق ارا تشکیلات و شونگه اوخشش اونلب دولت نماینده لری ، مملکت ده کی زوروانلیک لرنی توگشی اوچون تینچ لیک جریانیدن رسمی بیرشکلده حمایت قیلیش لرینی قرار قیلگن. افغانستان جمهور رئیسی حامد کرزی تینچ لیک مذاکره لری یولیده دولت موجود برچه امکانیت لردن فایده له نیشنی ایتگن . بیراق طالبان حاضرگه قدر رسمی بیرشکلده بوحقده هیچ قندی فکر بیلدرمه گن .