شبرغانده گی پارتله شده 26 نفر یره لنگن

Image caption پارتله ش شبرغان شهری مرکزیده روی بیرگن

افغانستان شمالیدن کیله یاتگن خبرلرگه کوره جوزجان ولایتی مرکزی شبرغانده پارتله ش یوز بیرگن. حادثه ولایت حاکملیگی و پلیس مرکزی بنا سی یقینیده روی بیرگن. خبرلرگه کوره روی بیرگن حادثه نتیجه سیده بیرنفر هلاک بولگن و 26 کیشی یره لنگن . رسمی لرنینگ ایتیشیچه ،موترسایکل ده اورنه تیلگن پارتلاوچی ماده لرپارتله گن . هلاک بولگن شخص نینگ انتحارچی شخص بولیشی ممکن لیگنی رسمی لر معلوم قیلگن.

اون بیرکیشی اوردو عسکری هلاک بولدی

رسمیلرگه کوره، ملی اوردو عسکرلر موتری نینگ یول ترافیک حادثه سی گه اوچره گنی باعث، اون بیر کیشی عسکر هلاک بولگن. روی بیرگن حادثه ده کمیده اون توقیزکیشی ایسه تن جراحتی آلگن. رسمی لرنینگ معلوم قیلیشلریچه ،اوردو عسکرلری مزارشریف دن کابل تمان باره یاتگن پیت، بو حادثه سمنگان ولایتی حدودیده روی بیرگن .

سمنگان ولایت نینگ والی سی خیرالله انوش نی معلوم قیلیشیچه، حادثه ده یارلنگن کیشی لردن تورت نفری ، سمنگان ولایتی مرکزی کسلخانه سیگه الیب گیلنگن و قالگن لری ایسه ، مزار شریف شهریگه انتقال بیرلگن . افغان رسمی لری حادثه ایداوچی نینگ احتیاط سیزلیگی باعث یوز بیرگنینی ایتماقده . هرچند پولیس و ملی اوردو کوچ لری نینگ موترلری هردایم بوکبی یول ترافیک حادثه لریگه اوچره ب توره دی . لیکن بو جاری ییلده کوپ تلفات گه سبب بولگن ییرک یول ترافیکی حادثه لریدن بیری دیر. افغانستان ایچکی ایشلر وزیرلیگی مطبوعات بولیمی گه کوره اوتکن اوچ آی مابینده پولیس و ملی اوردو موترلری قریب 50 گه یقین ترافیک حادثه سیگه گواه بولگن .