تخارده پلیس و نامعلوم قوراللی لر آره سیده توقنه شوو یوزبیرگن

Image copyright BBC World Service

محلی رسمیلرگه کوره تالقان شهریده کیریب کیلیشینی مقصد قیلگن نامعلوم قوراللی لر وپلیس کوچلری آره سیده توقنه شوو یوزبیرگن، همده شهر ایچکریسده هم نیچه ساعت آتیشمه یوزبیرگنی خبرقیلینگن.

تخار ولایتی نینگ پلیس مقاملریگه کوره اوشبو ولایت مرکزیدن قریب تورت کیلومتر اوزاق لیکده جایلشگن پنجشیری کوتل دیب اتلگن منطقه ده پلیس و قوراللی شخص لر آره سیده توقنه شوو یوزبیرگن.

اولرنینگ ایتیشلریچه قوراللی شخص لر اوشبو حدودارقه لی شهرده کیریب کیلماقچی ایکن، اما پلیس پیستیرمه سیگه دوچ کیلگنیدن سونگ توقنه شوو لر باشله نیب کیتگن. یوزبیرگن توقنه شووده کمیده بیر پلیس هلاک بولگن و نامعلوم قوراللی لر ایسه منطقه دن قاچیب کیتگن.

بوندن آلدینلرهم عینی منطقه ده نیچه بار پلیس و قوراللی لر اره سیده توقنه شوو یوزبیرگنی خبرقیلینگندی.

باشقه تاماندن کیچه کیچ قرون ساعت ایککی اطرافیده تالقان شهریده هم نیچه ساعت اتیشمه یوزبیرگن.

اوز اسمینی ایتیشیدن باش تارتگن پلیس مقاملریدن بیری محلده گی بی بی سی خبرنگاری بیلن بولگن صحبتیده اوشبو توقنه شوو ولایت حاکمی قوریقچیلری و ملی امنیت عسکرلری اره سیده یوزبیرگنینی ایتیب بو توقنه شوو توشینماوچیلیکلر باعث یوزبیرگنینی ایتگن.

" ملی امنیت اداره سی یقنیده گی اویلردن بیریده اوق سیسی ایشتیلگنیدن کیین، ملی امنیت عسکرلری و ولایت حاکمی قوریقچیلری منطقه ده ایتیب کیله دی. بیلمسدن اولر بیر بیرولریگه قره ته اوق اچه دیلر" دیب ایتگن پلیس مقاملریدن بیری.

تخار ولایتی نینگ پلیس اداره سی شهر ده نیچه ساعت توقنه شوو یوزبیرگنینی تصدیق لب ، لیکن حادثه قندی یوزبیرگنی حقیده آچیقچه معلومات بیرمه گن. و بوخصوصده تیکشرو باشلنگنینی معلوم قیلگن.

بوندن آلدینلر هم شوندی توقنه شوولر تالقان شهریده نیچه بار یوزبیرگنی ایتیلگندی، لیکن بونگه اساسی عامل نیمه بولگنی هلی هم اچیقلنمه گن.