کرزی نینگ تینچلیک مذاکره لری خصوصیده کی اظهاری طالبان تمانیدن رد ایتلدی

کرزی نینگ تینچلیک خصوصیده طالبان گروهی راضیلیک بیلدیرگن دیگن سوزلری طالبان تامانیدن رد ایتیلدی.

اوزینی طالبان گروهی سوزچسی دیب تانشتیرگن ذبیح الله مجاهد بیربیانات ترقه تیب، طالبان گروهی نینگ وکیلللرینی جاپانده سفرقیلیب، تحقیقاتی بیر یغینده اشتراک ایتگنینی تصدیق له گن، همده اوشبو یغینده دولت وکیللری هم اشتراک ایتگنی طالبلر تامانیدن قبول قیلینگن.

اما طالبان گروهی اوز بیاناتیده دولت رسمیلری بیلن کیتیوده گی تحقیقاتی یغینده دولت رسمیلری بیلن اوچره شیب مذاکره باره سیده گپله شیلگن دیگن خبرنی رد ایتگن.

افغانستان جمهوررییسی حامدکرزی توکیوده ایراد ایتگن سوزلریده بوباره ده شوندی دیگن ایدی:"ایککی هفته آلدین کیوتوده گی توشیشا یونوورسیته سیده،بیریغین اوتکزیلدی بو یغینده طالبان، اسلامی حزب وعالی تینچلیک کینگاش وکیللری حصصه قوشگن ایدیلر. اولر صلح برنامه لری خصوصیده گپلشدیلر. یغینده اشتراک ایتگن طالبلر نینگ مهم آدملریدن بیری قاری دین محمد صلح برنامه لری اوچون افغان حکومتی بیلن مذاکره قیلیشیگه تیارایکن لیکلرینی ایتگن."

هرچند بیز طالبان نینگ بوبیاناتی باره سیده ریاست جمهورلیک سرای نینگ مناسبتینی اورگه نیشگه حرکت قیلدیک، لیکن اولر بیلن گپله شیشگه قادیر بولمه دیک.

افغانستان عالی تینچلیک کینگاش نینگ اعضالریدن بیری اسماعیل قاسیمیار، اوشبو یغیلیشده رسمی کیلشوو بولمه گنینی اورغولب بوحقده شوندی دیدی:"صلح وملی مصالحه گه یتیشیش اوچون بیز بونی رسمی بیر مذاکره دیب بیلمیمیز، بلکه بیر فرصت ایدی، بو یغیلیشده، ایککی تامان نینگ نظرلری بیان ایتیلدی، کنفرانسدن تشقری ایککی تامان وکیللری اوز ارا اولتریب صحبت لشدیلر.اما طالبلر گروهی نینگ، ایریم طلب لری امریکا تامانیدن قبول قیلینسه مذاکره گه باریشینی ایستیدیلر."

افغانستان حکومتی بوندن الدینلر هم نیچه بار، صلح اوچون طالبان نینگ مهم ادملری بیلن اوچره شوولر بولیب اوتگنیدن خبربیرگندی . لیکن طالبان گروهی بوکبی موضوع لرنی دایمی رد ایتیب کیلگن.

همده اوشبو گروه اوز بیانات لریده افغانستان حکومتی نینگ مذاکره الیب باریش اوچون یوقاری صلاحیت گه ایگه ایمسلیگینی اورغولب، ایریم شرایط لری قبول قیلینگنده امریکا بیلن مذاکره گه اولتریشلرینی تاکیدلب کیلگن.