طالبلرنینگ یوقاری اعضاسی: افغانستانده گی اوروشنی یینگه آلمیمیز

طالبلر نینگ مهم اعضالریدن بیری، افغانستانده دوام تارتیب کیله یاتگن اوروشنی ینگه آلمسلیک لرینی ایتگن. همده طالبلرنینگ یتمیش فایزی القاعده ترماغیدن ناراض بولگنینی اورغوله گن.

طالبان نینگ اوشبو مقامی ایرلندلیک سابق دیپلمات ویازووچی مایکل سمپل بیلن بولگن صحبتیده بو اظهاراتنی بیان ایتگن.

طالبان نینگ بو قوماندانینی صحبتی بریتانیاده چاپ ایتیله یاتگن " نیوستسمن" مجله سیده چاپ ایتیلگن.

صحبت بولگن طالبان قوماندنی نینگ ایسمی آشکار ایتیلمه گن و مولوی مستعار آت بیلن تانتیلگن.

مولوی طالبان گروهی نینگ القاعده ترماغی باره سیده گی فکرینی شوندی آچیق له گن" حاضرگه قره گنده طالبان القاعده نینگ آسمانی بیر آفت دیب بیله دی. حتی کی بعضیلر القاعده نی امریکالیک لر جاسوسی دیب فکر بیلدیره دیلر.طالبان سیاست توغریسیده اونچه لیک توشینمی شو اوچون القاعده دن ارقه داشلیک بیلدیردی. اما القاعده سوی استعمال قیلدی. گوانتانامو قماقخانه سیده القاعده آدملرینی قنچه لیک بی وفا بولگنینی یخشی توشنیب آلدیم."

مولوی طالبان گروهی قیته افغانستان نینگ اوز نظارتیگه آلیش امکانیتی گه ایگه می دیگن سوراققه شوندی جواب بیرگن " افغانستان اوروشیده قوا برابرلیگی آچیق. آسمانی اره له شوو فقط طالبان نینگ بو اوروشده قولینی بلند قیلیشی ممکن. طالبلر تمانیدن کابل تصرف ایتیلیشی ناممکن کورینه دی."

عینی حالده اوشبو مصاحبه ده طالبان نینگ ییریک قوماندانی، طالبلر نینگ اورشیب کیله یاتگن انگیزه سی خصوصیده هم نظر تشلب بوحقده شوندی دیگن.

اونگه کوره " طالبلرنینگ اصلی هدفی اشغالچیلرنی اولکه دن چیقاریش اسلامی شریعت نینگ جاری ایتیش بولگن. اگر اولر، افغانستان بویلب غلبه قازانمه سه لر، حزب اوله راق فعالیت قیلیش لریگه توغری کیله دی."

لیکن او،طالبلر جنگره لری ملامحمد عمر بویوروغ لریدن قتیغ حمایه قیلیشلرینی ایتگن.

شونگه قوشیمچه مولوی، طالبلر گروهی بوندیان بویان اوز سیاست لریگه اوزگریش آلیب کیلیشی ممکن لیگینی اورغوله گن. لیکن طالبلرنینگ پاکستان بیلن بولگن علاقه لری خصوصیده صحبت قیله آلمسلیگینی ایتگن.

مایکل سمپل مولوی صحبت لری باره سیده شوندی فکر بیلدیرگن" مینی فکریمچه طالبلرگروهی آره سیده کیلگن سیاسی اوزگریش لر، افغانستان نینگ کیله جکده قندی وضعیتده بولیشینی انیق لیدی. یعنی یاکی افغانستان ایچکی اوروشلر گردابیگه ایله نه دی ویاهم صلح وتینچلیک کیلیشی ممکن. بو موضوع افغانستان مردمی وافغانستان ده دخیل بولگن اولکه لر اوچون کتته اهمیت گه ایگه."

شوندی فکر لر یوزه چیقیش بیلن هم طالبلر گروهی حاضرگه قدر هم افغانستان دولتی بیلن صلح قیلیشیگه راضیلیک بیلدیرمه گن.