احمد خان سمنگانی نینگ ترور ایتیلگنیگه قرشی مناسبتلر

Image copyright BBC World Service

افغانستان ملی اسلامی جنبش، ملی جبهه و ملی اتفاق احمد خان سمنگانی نینگ ترور ایتیلیگینی قتیغ قاره لب ، حادثه بویچه تحیقیقا آلیب باریلیشینی حکومت دن سوره گنلر.

عینی حالده ملی سلامی جبنش اورین باسرلریدن و ملی جبهه سوزچیسی حکومت نینگ بوکبی عمللرنی الدینی آلیش امکانیتی گه قادیر ایمسلیککه عیبلب چیقدی.

افغانستان شمالیده جایلشگن سمنگان ولایتی مرکزیده یوزبیرگن انتحاری هجومده احمد خان سمنگانی قوشیمجه ییگرمه یقین انسانی هلاک ایتیلیش قطار مناسبت لربیلن بیرگه بولگن.

افغانستان ملی اسلامی جنبش وملی جبهه اوشبو حادثه نی افغانستان دشمنلریگه نسبت بیریب احمدخان سمنگانی هلاک ایتیلگنینی قتیغ قاره لب چیققن.

ملی اسلامی جنبش حزبی نینگ اورین باسری و ملی جبهه سوزچیسی فیض الله ذکی احمد خان سمنگانی نینگ ملی اسلامی جنبش حزبی نینگ اورین باسری صفتیده تانشتیریب، اونینگ تروریگه قولی بولگن شخص لرنی انیق له نیب جزالنتیریلیشی حکومت وظیفه سی ایکنینی ایتدی.

" حکومت مردم نینگ خوف سیزلیگینی تامین لش خصوصیده جدی سعی قیلیشینی ایتیب کیلگن، لیکن یوزبیرگن حادثه حکومت نینگ بوخصوصده قنچه لیک کوچ سیز بولگنینی کورسه ته دی." دیب ایتدی ملی اسلامی جنبش اورین باسری فیض الله ذکی.

شونینگدیک ملی اتفاق بیر بیانات ترقه تیب احمدخان سمنگانی نینگ ترور ایتیلگینی قتیغ قاره له گن ملی اتفاق سوزچیلریدن فاضل سنچارکی بوحقده شوندیدی:" افغانستان حکومتیدن ایستیمیزگه کی حادثه بویچه تحقیقات آلیب باریب حقیقتنی مردم گه آچیق له سین بوکونگی تروریستی عمل کیچیک بیرگروه نی ایشی ایمس، بونی ارقه سیده کتته قول وییریک تروریستی ترماغ موجود ، اولرایسه افغانستان نینگ سیاستی گه مطرح بولگن ادملرینی اورته دن الیب کیتماقچی. ترورچیلر بوندی ایشلری بیلن بیگانه لر نفوذیگه یول اچماقچیلر."

افغانستان سنا مجلیسی تامانیدن ترقه تیلگن بیاناتده احمد سمنگانی نینگ ترور ایتیلگنی باره سیده تاسف بیلدریلگن همده اوشبو بیاناتده حادثه سببچیلری انیق له نیب قانون گه تاپشریلیشی طلب قیلینگن.

شونینگد یک حق وعدالت حزبی هم سمنگانده گی حادثه نی غیرانسانی بیرعمل اتب تاسف اظهارایتگن.

عینی حالده پاکستان جمهورریسی هم بیر پیام ارقه لی حادثه نی قاره لب چیققن.

افغانستان ریاست جمهورلیک سرای حادثه یوزبیریشدن چقور قیغوده توشگنینی ایتیب حادثه نی انیق لش اوچون منطقه ده بیرگروه هیات یوباریلگنینی معلوم قیلگن.

لیکن حکومت بوحادثه ده کیملرنی قولی بولگن بولیشی باره سیده حاضرگه قدر هم هیچ نرسه ایتمه گن.

شوندی تروریستی فعالیت لریگه عیبدار تانلیب کیلگن طالبان گروهی حادثه ده قوللری بولمه گنینی ایتگنلر.