افغانستان نینگ 600 عتیقه آثاری قه یتریلیب بیریلدی

Image copyright ag

بریتانیا حکومتی افغانستاندن اوغیرلنگن 600 قدیمی آثارینی مملکت ملی موزیمی گه تاپشیرگن.

اوتگن اوتیز ییل لیک اوریش لرده اینیقسه 90 نچی میلادی ییل لرده افغانستان ملی موزیم بناسی ویران بولیب، مذکور موزیم نینگ قریب 70 فایز عتیقه آثاری غارت بولگن ایدی.

شونده ی بیرحالده افغان مقام لریگه کوره، میلادی 2007 نچی ییل دن حاضر گه قدر افغانستان نینگ توقیز مینگ قدیمی آثاری مملکت ده قه یتریلگن.

معلومات لرگه کوره، افغانستان نینگ قدیمی آثاری قیزیل آی تشکیلاتی نینگ مخصوص اوچاغی آرقه لی بریتانیادن کابلگه کیلتیریلگن.

افغانستان ملی موزیم رییسی عمراخان مسعودی بی بی سی بیلن بولگن صحبتیده، مذکور قدیمی آثار نینگ بریتانیا هوا قونالغه سی نینگ خلق ارا پولیسی یا انترپول، قولگه کیلتیریب، افغانستانگه یوبارگنی نی معلوم قیلدی.

"میلادی 2009 نچی ییلده قریب ایککی مینگ، افغانستان عتیقه آثاری بریتانیا دن، مملکت ده کیلگن ایدی. شو نینگ دیک 600 قدیمی اثر بریتیش موزیم تمانیدن تشخیص بولیب، اسنادی توزه لگنی دن کیین، بیزگه یوباریلدی. بیز بو توغری ده بوتکل جریانگه ایدیک. بیز بو اثرلرنی تیناون بریتانیا نینگ قرارگاهیدن تسلیم بولدیک، دیب ایتدی عمرا خان مسعودی."

افغانستان ملی موزیم رییسی شونگه قوشیمچه قیلیب، مملکت مدنیت و اخبارات وزیرلیگی خلق ارا هم جمعیت مملکت لر آره سیده گی کیلیشو لر اساسیده افغانستان نینگ باشقه قدیمی آثارلرینی قه تیریب قولگه کیلتیریشگه اورینیشی نی هم معلوم قیلدی.

افغانستان نینگ بو قدیمی آثار لری کوپراق اروپا مملکتلریدن قه یتیریب آلینگن لیکن حاضر هم افغانستان نینگب بیر قنچه عتیقه آثاری اورپا بیر قنچه مملکت لریده سقله نیب کیلماقده.