فاریابده یوزبیرگن ماین پارتلش نتیجه سیده سککیزکیشی قربان بولگن

Image copyright bbcuzbek

بوگون ایرته لب فاریاب ولایتی نینگ کاریز قلعه منطقه سیده فلنگ کوچ موتری ماین بیلن دوچ کیلیب نتیجه ده سککیز کیشی هلاک و یتتی کیشی یره لنگن.

فاریاب ولایتی نینگ پلیس باشلیغی ژنرال عبدالخالق آقسایگه کوره مسافر تاشوو چی فلنگ کوچ موتری موسی قلعه منطقه سیدن میمنه شهری قره ب کیله یاتگن بیرپیت کاریز قلعه منطقه سیده یول چیککه سیده اورنه تیلگن ماین بیلن دوچ کیلگنی باعث بو حادثه یوزبیرگن.

فا ریاب پلیس باشلیغی هلاک بولگن لردن اکثریسینی باله لر و عیاللر بولگنینی ایتدی.

عینی حالده پلیس باشلیغی یره لنگنلرنینگ دوالش اوچون کسلخانه گه انتقال بیریلگنینی ایتیب اولرنینگ وضعیتی یخشی بولگنینی معلوم قیلدی.

محلی رسمیلر یول چیککه سیده ماین اورنه تیش واقعه لریگه طالبان نینگ عیبدار بیلیب بوکونگی یوزبیرگن پارتلشده هم دولت نینگ قوراللی مخالف لری قولی بولگنینی ایته دی.

شمالی فاریاب ولایتی نینگ ایریم تومنلریده طالبان عصیانچیلری نینگ فعالیتی آرتیب باره یاتگنی ایتیلماقده.