طالبان یاقیلغی ماده یوکلنگن تانکرلرگه اوت قوییگن

Image copyright Reuters

اوتگن کیچه قوراللی عصیانچیلر سمنگان شاه یولیده یاقیلغی ماده تاشووچی تانکرلرگه هجوم قیلیب کمیده ییگرمه تانکرگه اوت قوییشگن.

بو حادثه سمنگان کابل شاه یولیده یوزبیرگن. اوشبو یولده بوندی حادثه نی یوزبیریشی بیرینچی مرته کوزه تیلماقده.

افغانستان نینگ ایریم حدودلریده طالبان عصیانچیلری ناتو کوچلریگه یاقیلغی ماده تاشووچی تانکرلرگه هجوم قیلیب کیلگن. بوتانکرلرهم تانوگه یاقیلغی ماده لر یتکیزرایکن.

محلده گی کوزه توچیلرنی ایتیشلریچه بیرینچیدن پارتلش سیسی ایشتیلیب کینچه لیک تانکرلر اوت آلگن.

سمنگان ولایتی نینگ ولایت حاکمی خیرالله انوش حادثه سببچیلرینی انیق لش اوچون تیکشرو ایشلر باشله تیلگنیدن خبربیردی.

هجومگه توتیلگن یاقیلغی ماده یوکلنگن تانکرلرنینگ اکثریتی افغان تاجرلردن بیریگه تیگیشلی ایکنی ایتیلگن.

.هرچند اوزینی طالبان سوزچیسی دیب تانشتیرگن ذبیح الله مجاهد یوزبیرگن حادثه نی محلده گی طالبان عصیانچیلر اویشتیرگن دیب پیام یوله گن، لیکن محلی رسمیلر حادثه ارقه سیده کیم بولگنی هلی هم بیلگی لنمه گنینی ایتگنلر