اوزبیک تیل و ادبیاتیگه، اوزگه خلققه منسوب یاشلرنینگ قیزیقیشی

مزارشریف ده جایلشگن بلخ عالی اوقوو درگاهی نینگ ادبیات بولیمیده، اوزبیکلردن تشقری تاجیک یاشلری هم اوزبیک تیلی و ادبیاتینی اوقیشگه قیزیقیشماقده لر.

ایندیلیکده مذکور بولیمگه اتب یره تیله یاتگن اوزبیکستان و تورکیه مملکتلریگه ماسترلیک و دوکتورا بورسلری کبی امکانیتلرنینگ موجودلیگی هم حتی تاجیک یاشلرینینگ هم دقتلرینی اوزیگه قره تیب کیلماقده.

افغانستانده اوزبیک تیلی اوچینچی رسمی تیل بولگنی سببلی می یاکی اوزبیک تیلیده بیلیم آله یاتگن کیشیلرگه ایش زمینه لری نسبتن کوپراق یره تیله یاتگنی باعث می اوزبیک یاشلریدن تشقری، تاجیک یاش قتلمی نینگ هم تلی گینه قسمی اوزبیک تیل و ادبیاتینی اورگنیشگه اینتیلماقده لر. بو مناسبتگه تاجیک اوقووچیلریدن بیری شونده ی یقینلشه دی:

« اوزبیک تیل و ادبیاتینی اوقیشده بیرینچیدن کیشیلرنینگ اوز قیزیقیشی بولسه کیره ک دیب اویلیمن. اما اینگ مهمی شوکی بو ساحه ده اوقیگن طلبه لرگه تیزلیک بیلن ایش زمینه لری یره تیله دی، شوندن بولسه کیره ک کی باشقه خلقلر هم اوزبیک ادبیاتینی اوقیشگه اینتیلماقده لر.»

ایریم اوقووچیلرنینگ فکریگه ته ینگن حالده، شو نرسه معلوم بوله دی کی، اوزبیکستان و تورکیه اولکه لری تمانیدن ایجاد ایتیله یاتگن ماسترلیک و دوکتورا بورسلری کبی تعلیمی خذمت علاقه لری هم مذکور یاشلرنینگ آنگیگه اوزبیک تیلینی، اونینگ بای تاریخینی اورگنیش اوچون ایجابی تاثیر تشله گن.

بیراق سیدنسیم اوشبو بولیم نینگ ایککینچی صنف اوقووچیسیگه کوره، بیلدیریگن فکرلر عین مدعا هم ایمس، اوزبیک تیل و ادبیاتینی اوقیشدن مقصد- بو اولرنینگ کیله جک ایش حیاتلری اوچون تنلنگن کسب- هنر بیلیمی- ، بو تیلگه بولگن قیزیقیش درجه سینینگ کتته لیگی.

جناب محمد الله امینی بلخ اوقوویورتی نینگ اوزبیک تیل و ادبیاتی بولیمی نینگ استادی، اوزبیک ادبیاتینی اوقیشده دست اول کیشیلرنینگ اوز قیزیقیشلری دخلدار بولیشی ممکنلیگی، قوشنی اولکه لردن کیله یاتگن اوقوو بورسلری، یاکی کانکور سیناویده نتیجه سیز قالگن یاشلرگه ایککینچی ظرفیت نینگ یره تیلیشیگه اوخشه گن امکانیتلر و ینه بیر نیچه عامللرنی ایتیب، اوزبیک طلبه لری اوچون کتاب دوکانلری نینگ کملیگی کبی نیچه معمالرنینگ موجودلیگینی هم خاطرلب اوتتی.

معلوم کی اوزبیک تیلی اوزگه تیللر بیلن بیرتورلی علاقه ده بولیب، اولر بیلن یقین حیات کیچیریب کیلماقده. بو مناسبتلر فقط تیل جهتدن گینه ایمس، بلکی ایندیلیکده باشقه خلقلر، جمله دن تاجیکلرنینگ هم بو تیلنی اوقیب، اوزلشتیریشگه آلیب بارگن. ایتیلیشیچه جوزجان و فاریاب ولایتلریده گی تورک- اوزبیک بولیملریده گی طلبه لر سانینی فقط گینه اوزبیکلرهم تشکیل بیرمه ی، بلکی بولرنینگ یانیده باشقه خلققه منسوب یاش قتلمی هم موجود.