محلی رسمیلر: میدان وردک ده حربی عملیات یولگه قوییلگن

Image caption وردگ ولایتی ده طالبان گه قرشی حربی عملیات یولگه قوییلگن

میدان وردک محلی رسمیلری، مذکور ولایت خوف سیزلیک کوچلری و طالبان آره سیده قتیق توقنه شولر جریانی بارلیگی نی ایتیب، حاضر گه قدر تورت عصیانچی هلاک بولگنی نی هم معلوم قیلگن لر. میداو وردکوالی سی حلیم فدایی گه کوره، مذکور عملیات بو تورت پولیس مأمور لری نینگ طالبان قولی دن قوتقریش و طالبان نینگ یوق ایتیش مقصدیده وردکنینگ جلریز منطقه سیده عملگه آشیریلماقده. بو تورت پولیس تورت کون آلدین، طالبان تمانیدن اوغیرلنگن ایدی اما محلی رسمیلر مذکور پولیس لر آزاد ایتیلگنی نی معلوم قیلماقده لر. وردکوالی سی حلیم فدایی بی بی سی بیلن بولگن صحبتیده، مذکور عملیات موفقیت بیلن ایلگری کیته یاتگنی اوستیده تاکید قیلماقده. " دشمن نینگ تورت نفری هلاک ایتیلگن، و ساحه نینگ پاکیزه لش عملیاتنی جریانی بار. طالب لر بیز نینگ محاصره میزگه شونینگ دیک بیر قوراللی طالب نی هم اوشله ب آلگن میز. مذکور عملیات ده افغان خوف سیزلیک کوچلری قتنه شگن، ضرورت بولگنده، ناتو کوچلری نینگ هوایی یاردمی نی ایسته یشیمیز کیره ک" بامیان کابل یولی میدان وردکنینگ جلریز منطقه سیدن اوته دی. بو منطقه اوتگن نیچه ییل دن بیری انچه خوف لی بولیب قالگن، طالبان گروهی ایرکین لیک بیلن مذکور منطقه دن اوته یاتگن مسافرلرنی توشیریب حتی اولدیره دیلر دیب ایتگن لر اوتیب قه یته یاتگن مسافر لر. اما میدان وردکوالی سی ایسه، مذکور منطقه ده قوراللی اوغری لر جلریزده فعال ایکنلیگی نی ایتیب لیکن حاضر گی عملیات نتیجه سیده وضعیت یخشی بولیشیده امید بیلدیرگن. باشقه تماندن افغانستان ملی خوف سیزلیک اداره سی، مملکتده یوز بیره یاتگن عصیانچی لیک هجوم لر، چیگره لی مملکت لرو اورته آسیا استخباراتی تمانیدن ریجه لنگنی هم ایتماقده. شو نینگ دیک مذکور اداره، اوتگن ایککی ییل جریانیده 240 خود کش لیک هجوم لرنینگ ریجه لشتیره یاتگن شخص نی مملکت نینگ ایریم حدود لریدن اوشله ب آلگنی نی ایتگن. افغانستان استخبارات اداره سیگه کوره، افغانستان نینگ بیر قنچه مهم کیشی لری قرشی سیده یولگه قوییله یاتگن خود کش لیک هجوم لرنینگ بعضی مورد لرده آلیلمس لیگی، افغانستان قرشی سیده عصیانچی لیک هجوم لرنینگ کینگه ییشی و کوپه یشی دیر نه خوف سیزلیک کوچلرنینگ کم کارلیگی.