"تاجیکستان ده گی توقنه شولرده ٨ نفر افغان هم قولگه آلینگن"

Image caption خاروغ ده گی توقنه شو لرده ٨ نفر افغان قولگه آلینگنی ایتله دی

تاجیکستان جمهور رئیسی امام علی رحمان تاغلی بدخشان مختار ولایتی رئیسی قادر قاسمدن پامیر ده کیچه یاتگن مخصوص حربی عملیاتلرنی مطلق توخته تیشنی طلب قیلگن.

جمهور رئیس رحمن بو حقده قاسم جناب لری بیلن تیلفون سوزله شوویده ایتگن.

بوندن بیرنیچه ساعت اوتیب ، منطقه حاکمی قادرقاسم خاروغ ده گی محلی فعاللربیلن اوچره شووده شخصن جمهور رئیس رحمن منطقه ده حربی عملیاتلرنی بوتونلی توخته تیشگه قرار بیرگنینی ایتگن.

سه شنبه کونی تاگده تاجیکستان دولت ملی خوف سیزلیک کمیت سی جنرال عبدالله نظروف اولیمیگه علاقه دار شخص لرنی اوشلهش اوچون تاغلی بدخشان ولایتی مرکزی خاروغ شهریده مخصوص حربی عملیات یولگه قوییلگنینی معلوم قیلگندی.

عملیات توخته گن

خبرلرگه کوره ، حاضرخاروغ ده گی عملیات وقتینچه توخته تیلگن.

بی بی سی مخبری اناره سرکاروه گه کوره حکومت بو وقتده هلاک بولگنلر و یره دارلرنینگ حسابینی آلیش همده ییتکزلگن ضیان کولمینی انیقلشنی کوزله گن بولیشی ممکن.

منطقه ده جمهور رئیس رحمان نینگ قراری بیلن عملیات بوتونلی توخته تیلگنی ایتلسه ده حکومت نینگ جنرال نظروف اولمیده علاقه دار دیب کوریلگن تورت نفر نی تاپشیریش طلبی کوچده قاله یاتگنی ایتله دی .

قربانلر

اوللراق ، تاجیکستان حکومتی قاروغ ده کیچگن عملیات چاغی ١٢ حربی هلاک بولگنی ، ٢٠ دن آرتیق تن جراحتی آلگنی حقیده معلوم قیلگندی.

حکومت نینگ بیلدریشچه تینچ اهالی آره سیده قربان لر یوق ، ٣٠ نفر حکومتگه قرشی قوراللی گروه اعضالری اولدیرلگن.

تاجیکستان دولت ملی خوف سیزلیک کمیته سی همده ایچکی ایشلر وزیرلیگی قوشمه بیاناتیده قوراللی گروه نینگ ٤٠ اعضا سی قولگه آلینگن، اولردن ٨ نفری افغانستانلیک ایکنی ایتله دی .

اما نا رسمی منبع لرده ایتیلیشچه ایسه ، حربی و اهالی آره سیده هلاک بولگنلر ساننی انچه یین کته –تخمین ١٠٠ دن آرتیقدیر.

بو حقده بی بی سی مخبری حادثه گواه لری و ربی عملیاتگه یقین منبع لرگه تیه نیب خبر بیرشماقده.

حربی عملیات دوامیده قوراللی گروه نینگ ١٠٠ ته چه قورالی مصادره قیلنگنی هم خبر قیلنگن.

اما رسمی و نارسمی معلومات لرنی تصدیق لهش امکان سیز قالماقده.منطقه بیلن علاقه اوزیلگن، حکومت تاغلی بدخشانده گی وضعیت باره سیده معلومات بیرمه یاتر .

عینی دمده افغانستان جمهور رئیسی حامد کرزی تاجیکستان بیلن چیگره داش بولگن منطقه لرده قوشیمچه حربی کوچ لرنی جایلشتیرلیش قرارینی بیرگن.

تاجیکستان جمهوریتی ویب صفحه سیده اعلام قیلنگن خبرگه کوره ، حامد کرزی بو موضوع نی ، جمهور رئیس امام علی رحمان بیلن تیلفون علاقه سیده بیان ایتگن .

خبرده کیلیشیچه افغانستان جمهور رئیسی خاروغ منطقه سیده روی بیرگن واقعه لردن سونگ ، امام علی رحمان بیلن علاقه قوریب ، سونگی وضعیت نی محاکمه قیلشگن.