Мултимедиа ўйнаш бу қурилмада дастакланмайди

تاجیک ملازم لری ادعا سی اساسیده افغان پلیس قومانداننی حبسگه آلیندی

افغان رسمی لرینی ایتیشلریچه ، بدخشان ولایتی نینگ محلی پلیس قوماندان لریدن بیری تاجیکستان ده کی ناقرارلیک لر طفیلی حبسگه آلینگن. بدخشان ولایت حاکمی شاه ولی الله ادیب نی بی بی سی گه ایتیشیچه شهدا ولسوالیگی پلیس قوماندانی" قاری عبدالودود" حاضرده کابل گه آلیب کیلنگن و قوییلگن عیبلاو لرگه توغری سیده تیرگوایشلری باشلنگن. تاجیکستان نینگ تاغلی بدخشان منطقه سیده کی ناقرارلیکلر آرتیدن ، جنگری لرنی اوتیب –قیتیش لرینی آلدینی آلیش اوچون تاجیکستان وافغانستان چیگره سی یاپیلب قوییلگن. تاجیکستان نینگ بدخشان ولایت امنیت اداره سی باشلیغی عبدالله نظروف نی اولدیرلیشی دن سونگ ، جنگری لرگه قرشی حربی عملیات خاروغ منطقه سیده یولگه قوییلگن ایدی. حربی عملیاتلرده کمیده ٥٠ نفر نینگ هلاک بولگنی هم معلوم قیلنگن. شونگه اوخشش اونلب جنگری دولت حربی لر تمانیدن قولگه آلینگن. قولگه آلینگنلر آره سیده ٨ نفر افغان وطنداشی نینگ بارلیگی ایتلگن . افغانستان ایچکی و مدافعه وزیرلیگی ملازم لری هم توقنه شولر آرتیدن تاجیکستانگه سفر قیلیب رسمی لری بیلن اوچرشگن . بدخشان ولایت حاکمی گه کوره ، محلی پلیس قوماندنی ، تاجیک رسمی لری نینگ ادعا لری اساسیده قولگه آلینگن. ولی الله ادیب نی ایتیشیچه تاجیکستان و افغانستان چیگره سینی یاپیلیشی کونده لیک حیاتگه ییرک سلبی تاثیر قویگن. ادیب جناب لری تاجیکستان ملازم لری نینگ یاردمی بیلن هر ایکله مملکت آره سیده کی چیگره نی آچیشگه حرکت قیلنه یاتگنینی ایتگن. افغانستان و تاجیکستان ١٣٠٠ کیلومتر مشترک چیگره گه ایگه بولیب عینی چیگره دن مینگلب تن بنگی وار ماده لر روسیه و باشقه غرب دولتلریگه قاچاق ایتیلیشی ادعا قیلنه دی .