افغان تاجک چیگره لرنی یاپیغ لیغی ایککی مملکت منفعتی گه ایمس

بدخشان ولایتی نینگ محلی رسمیلری، بوندن الدین تاجیکستان و افغانستان اره سیده گی قوشمه بازارو چیگره یاپیق لیگیدن خواطر بیلدیرگن. هرچند دولت رسمیلری افغانستان وتاجکستان اره سیده گی چیگره لر وقشمه بازارلرنی قیته آچلیشی نی ایتشگن لیکن، معلومات لرگه کوره حاضرگه قدر هم بو قینچلیک حل بولمه گن. بدخشان ولایتی نینگ ولایت رسمیلری، اوشبو لایت نینگ تاجکستان بیلن چیگره حدودلری، حاضرگه قدر هم یخشی شکلده اچیلمه گنینی اورغوله ماقده. اولرگه کوره فقط حجتگه بولگن ادملر اوتیب قیتیشی اچون امکانیت یره تیلگن وخلاص بدخشان ولایتی نینگ ولایت حاکمی سوزچیسی عبدالمعروف راسخ بی بی سی بیلن بولگن صحبتیده یقنیده اره ده بومشکل حل بولمه سه چیگره حدودلرده جایلشگن تومنلرده دوام تارتیب کیله یاتگن قوریش وقیته قوریش لایحه لریده جدی ضرر یتکزشیدن خواطر بیلدیردی. بیزنینگ خواطری میز حاضرگی وضعتنی دوام تارتیشی دیر.چیگره حدودلرده جایلشگن تومنلرده دوام تارتیب کیله یاتگن قیته قوریش وقوریش لایحه لریده کیره کلی بولگن ماده لر تاچکستان ارقه لی الیب کیلنرایدی.حاضر شو جریان توخته تیلگن جیگره لردن فقط حجت گه بولگن شخصلر اوتیب قیته دی. بیز چیرگه نی زودلیک بیلن آچیلیشگه امید بیلدیره میز دیدی راسخ جنابلری. باشقه تماندن ایککی اولکه اره سیده بوندن قوشمه بازارلر موجود بولیب تاغلی منطقه لرده یشه یاتگن تاجکستان لیک افغانستان لیکلرنینگ سودا قییلیشلری اوچون یخشی فرصت ایدی. بوبازارلرنی هم وقیتنچه لیک یاپیلگنی ایتیلگندی. افغانستان نینگ بدخشان ولایتی بیلن چیرگه داش بولگن تاجکستان نینگ خاروغ منطقه سیده ناقرارلیک لر یوزبیریشی ارتیدن، بو ایککی اولکه آره سیده گی چیگره لرنی وقتینچه لیک یاپیلگنی اعلان قیلیندی. لیکن ناقرارلیک نهایه تاپگن حالده هم چیگرلر هلی یخشی شکلده اچیلمه گنی خواطرلرگه سبب بولماقده.