طالبان سرپلده گی ایککی محلی خادم نینگ هلاک قیلگن

شمالی سرپل ولایتیده بیر گروه طالب، سرپل ولایتی نینگ ترقیات کینگاشی رییسی ملا مجاهد نی تیناون کیچه هلاک قیلگن.

رسمیلرگه کوره، مجاهد جنابلری نینگ اوکه سی هم مذکور هجوم عاقبتیده هلاک بولگن.

هرچند بیر قنچه رسانه لر ملا مجاهد طالبان تمانیدن قاچیریلیب، بیر قنچه مدت دن کیین اونینگ باشینی کیسیشگن خبرینی ترقه تگن لر لیکن سرپل والی سی بی بی سی بیلن بولگن صحبتیده بو خبر نی رد قیلیب لیکن بو قتل دشمن لیک اساسیده عملگه آشیریلگنی نی ایته دی.

سرپل حاکمی عبدالجبار حقبین گه کوره، بیر قنچه قوراللی شخص لر تیناون کیچه سرپل ترقیات رییسی ملا مجاهد نی اوییگه کیریب اوکه سی بیلن بیرگه آتیب اولدیرگن لر. حقبین جنابلری بو قوراللی شخص لر طالبان گروهی بیلن علاقه ده بولگنی نی هم ایتدی.

خقبین جنابلری شونگه قوشیمچه قیلیب، قوراللی شخص لر خوف سیزلیک کوچلری نینگ تعقیبیده ایکنی نی هم معلوم قیلدی.

هرچند بیر قنچه رسانه لر طالبان گروهی سرپل ترقیات رییسی ملا مجاهد بیلن بیرگه باشقه ایککی شخص نینگ باشینی تنه سیدن جدا قیلیشگنینی ترقه تگن لر لیکن سرپل والی سی بو سوزلرنی رد قیلگن.

بوندن تشقری، سرپل ولایتیده یوز بیرگن تورلی خیل خوفسیزلیک حادثه لریده 21 کیشی داخل آلتی کیشی هلاک بولیب و یره لنگن. ایتیلیشیچه، اوتکن کیچه دولت قوراللی مخالفلری اوشبو ولسواللیک نینگ کله خانه منطقه سیگه عاید پولیس قراوول خانه سیگه حمله قیلیشگن.

پولیس کوچلری نینگ تیرس یانده شوولری نتیجه سیده، آلتی کیشی دولت مخالفی هلاک بولیب، طالبان ولسوالی مولوی شفیق الله داخل سککیز کیشی یره لنگن. قربان بولگن شخصلر آره سیده یره لنگن بیر عیال هم موجودلیگی ایتیلماقده.

اهالی و واقعه شاهدلری نینگ ایتیشچه، دولت مخالفلری غالب چیقمه گنلیکلری باعث، ایککی کیشی تینچ اهالینی اوزلری بیلن بیرگه آلیب کیتیشگن.

سرپل ولایتی شمالی حدود لرنینگ نا تینچ راق بولگه لریدن حسابلنه دی. بو ولایت نینگ تاغلی منطقه لریده طالبان فعالیتی کوپراق کوزه تیلیشی ایتیلماقده.