بلخده گی قیزلر مکتبی مدیره سی اولدیرلدی

مذکور حادثه، افغانستان شمالیده گی بلخ ولایتی نینگ بلخ ولسواللیگیده بولیب اوتگن. احمد شاه ابدالی نامیده گی قیزلر مکتبی نینگ باشلیغی بوندن بیر کیچه اول، ناتانیش قوراللی کیشی آرقه لی اوز منزلیده اولدیریگن. بلخ خوفسیزلیک بولیمی نینگ یاردمچی سی، عبدالرزاق قادری نینگ بی بی سی گه ایتیشچه، پارلمان نینگ سابق وکیلی بولگن حمیرا اکاخیل نینگ سینگلی بولگن سیما اکاخیل بوندن بیر کون مقدم، کیچه کیچ قورون نامعلوم شخص تامانیدن قورال آرقه لی اولدیریلگن. حادثه بوندن عبارت؛ سیما اکاخیل نینگ عمر یولداشی و قییناته سی آوقت دن کیین نماز اوقیش مقصدیده مسجدگه کیتیشگن، معلوم کی خانم سیما اوییده یالغیز قالگن و بوندن فایده لنیب، کیملیگی بیللی بولمه گن شخص حویلی گه کیریب، اونی قورال بیلن آتیب تشله گن. بلخده گی خوفسیزلیک مقاملری مدهش بو حادثه اوچون، جدی تحقیقلرنی باشلنگنیدن خبر قیلماقده لر. جناب قادری، خانم سیما اکاخیل نینگ قتلی ممکن بیر پیتلر پارلمان ده ایشله گن آپه سی نینگ وظیفه سی بیلن باغلیق و یاکی، عایلوی معما و کیلیشماوچیلیکلر باعث بلکه بو قتل روی بیرگن دیر دیب، گمان بیلدیرماقده.

لیکن حاضرگه قدر، حادثه نینگ اصل دلیلی معلوم ایمس، و حتی کی کلوه نینگ اوچی هم قولگه کیلمه گن، دیب ایتگن بلخ رسمی مقاملری.