امریکا تشقی ایشلر وزیری نینگ ترکیه ده گی سفری

Image copyright AFP

امریکا تشقی ایشلر وزیری هیلاری کلینتون سوریه ده دوام تارتیب کیله یاتگن ناقرارلیک لر باره سیده صحبت آلیب باریش اوچون ترکیه گه سفر قیلگن.

خانم کیلینتون اوشبو سفرجریانیده، ترکیه نینگ یوقاری مرتبه لی مقاملری قوشیمچه، سوریه دولت مخالف لری بیلن هم اوچره شماقچی.

اوشبو اوچره شوو لرده احتمال بیلن بشار اسد حکومتی اغدریلگنیدن سونگ قدرت نینگ انتقال بیریشی کوریب چقیلیشی ممکن لیگی ایتیلماقده.

امریکا دولتینینگ ایتیشچه اوشبو دولت تشقی ایشلر وزیری ترکیه دولتی نینگ سوریه ده گی ناقرارلیک لر باره سیده قندی مناسبت و خواطرده ایکنینی بیلیش اوچون بولگن.

شونینگدیک امریکا تشقی ایشلر وزیری اوشبو سفری جریانیده اوروش لر باعث سوریه نی ترک ایتگن قاچقینلر اوچون انسان پرورلیک یاردملرینی اعلان ایتیشی کوتیله دی.

بیرلشگن ملتلر تشکیلاتی نینگ اعلان قیلیشچه، سوریه ده یوزبیریب کیله یاتگن ناقرارلیک لر باعث کوپلب تینچ فقرا اوشبو اولکه نی ترک ایتب قوشنی اولکه لرگه مهاجر بولگنلر.

ترکیه ده گی سوریه لیک مهاجرلر سانی 50 مینگ اعلان قیلینگن، کون اوتیشی بیلن مهاجرلرسانی آرتیب باره یاتگنی ایتیله دی.

بی بی سی خبرنگاری نینگ ایتیشچه، امریکا تشقی ایشلر وزیری، ترکیه مقاملری بیلن آلیب باره دیگن مذاکره سیده بشار اسد دن کیین سوریه وضعیتی مباحثه ایتلیشی کوتیله دی.

القاعده ترماغیگه علاقه دار بولگن کوپلب شخصلرنی سوریه دولت مخالفلریگه قوشلیشی باره سیده خبرلر ترقه تیلگنی کوپگینه خواطرلرنی توغدیرگن.