تخار ده گی پارتلشده یوقاری مرتبه لی ملازملر هلاک بولدی

Image copyright BBC World Service

تخار ولایتی نینگ اشکمش تومنیده یول چیککه سیده اورنه تیلگن ماین پارتلش نتیجه سیده اوشبو تومن بلدیه حاکمی و عالی تینچلیک کینگاش اعضالریدن بیر قوشیمچه بیش کیشی هلاک بولگن.

تخارولایت حاکمی سوزچیسی گه کوره عالی تینچلیک قوریلتای اعضالریدن بیری هاج هاشم اوکه سی اشکمش تومن نینگ بلدیه باشلیغی بیلن تالقان شهری قره ب کیته یاتگن بیر پیت اولرنینگ موترلری ماین بیلن دوچ کیلگن. نتیجه ده بو ایککی مقام قوشیمچه بیش کیشی قربان بولگن.

حادثه بوگون ساعت توقیز اطرافیده، ایشکمش تومنی نینگ اوغری قول دیب اتلگن منطقه سیده یوزبیرگن.

تخارولایتی نینگ عالی تینچلیک کینگاش رییسی بوحادثه نی قتیغ قاره لب، حاج هاشم هلاکتی اوشبو ولایتده گی صلح برنامه لریگه تاثیر قالدیریشی ممکن لیگینی ایتگن.

اشکمش تومنیده طالبان عصیانچیلری انچه فعال بولگن. همده سونگی پیتلرده یول چیککه سیده اورنه تیلگن ماین پارتلش حادثه لری کوپلب کوزه تیله یاتگنی ایتلماقده.