BBC navigation

آسترالیا قاچقین لردن تیکشیریش اوتکزیش قانونی نی تصویب قیلگن

Сўнгги янгиланиш 16 август 2012 - 09:10 GMT

آسترالیا پارلمانی بو مملکت ده کیله یاتگن قاچقین لر دن تیکشیریش ایشی قانونی شکلده ایلگری کیتیشی توغری سیده ینگی بیر قانون نی تصویب قیلگن.

آسترالیا نیچه ییل دن بیری تورلی مملکت لردن کیچیک کیمه لرگه قانون سیز شکلده کیله یاتگن قاچقین لر معما سی بیلن یوزمه یوز بولیب کیلگن.

بو قاچقین لر آره سیده کوپگینه افغانستان لیک قاچقین لر هم موجود. لیکن بیر قنچه مورد لرده کوپ گینه افغان قاچقین لر مذکور مملکت ده یتیشمه ی اندونیزیا و آسترالیا آره سیده گی سوو لرگه غرق بولیب هلاک ایتلگن لر.

آسترالیا اولوسی جرگه سی، بو مملکت ده کیله یاتگن قاچقین لر دن تیکشیریش آلیب باریشی نی قانون قیلگن اما بو قانون عملی بولمسدن آلدین مذکور ممکلت سنا مجلیسی نینگ تایید قیلیشی لازم، بولمسه، بو قانون هیچ قچان عملی بوله آلمه یدی.

افغانستان هم دنیا ده گی اولکه لرده انچه قاچقینی بار.

اونلب ممکلت قطاریده حیات اوتکزیش مقصدیده آسترالیا هم افغان قاچقین لری حیات اوتکزیش لری اوچون اینگ یخشی بیر انتخاب گه ایلنگن.

قاچقین لر توغری سیده ژورنالیسیتک فعالیت قیله یاتگن افغان ژورنالیست سید باقر حسینی گه کوره، اوتگن اوچ ییل جریانیده، اینگ آز 650 نفر آسترالیا گه ییتیشمه سوو گه غرق بولیب هلاک ایتیلگن. یقین ده 67 نفر هم اندونیزیادن آسترالیا گه قره ب کیتگن لیکن سوو لرگه درک سیز بولگنی ایتیلماقده. بوقاچقین لر مابینیده کوپ گینه افغانستانلیک لر هم موجود.

حسینی جنابلری بیر قاچقین آسترالیا گه ییتیب بارگنی دن کیین قنقه مسئله لر بیلن یوزمه یوز بولیشی توغری سیده بونده ی ایضاح له یدی.

" سیز آسترالیاگه یتیشگنیز دن کیین، نامعلوم بیر مدت گه قدر او ییرده گی کمپ لرگه سقلنه سیز. سیزگه مدافع وکیل آلینه دی. ایندی اگر سیز محکمه نینگ قناعت بیرسنگیز کی افغانستانده مینی حیاتیم انچه خوف لی، محکمه سیزگه وقتینچه لیک ویزه بیریشی ممکن. کیین سیز تورت یا بیش ییل گه قدر آسترالیا خوف سیزلیک ملازم لری نینگ نظری آستیده بوله سیز یعنی، القاعده بیر علاقه ییز بولمه ماغی اوچون، مخدره قاچاقی گه قولیز بولمه گنی اوچون عین دمده سیز او ییرده گی مالیه پولی نی توله شگه قادر بولگنیز نی قره ب سیز گه دایمی حجت بیره دی. سیز کمپ دن چیقگنیزدن کیین، آسترالیا ایش بازاریگه زودلیک بیلن کیره آلمه یسیز."

حسینی جنابلری شونگه قوشیمچه قیلیب، کوپ حالت لرده، افغان لر آسترالیاگه کیتیش اوچون قنده ی خطر لر بیلن یوزمه یوز بولیشی نی نظرده آلمه یدیلر و قاچاقچی نینگ سحرلی سوز لریگه ایشانه دیلر. جدی قیین چیلیک لر بیلن روپه ره بولگن لریدن کیین آلگن تصمیم لریدن پشیمان بولیب، اوزمان انچه وقت اوتگن دیب معلوم قیله دی.

شونده ی بیر حالده بیرلشگن ملت لر تشکیلاتی نینگ قاچقین لر اداره سیگه کوره، هر بیر قاچقین خلق ارا کنوانسیون و معیار لر بیلن مطابقتی بولسه مذکور اداره اوندن حمایت ایته دی.

افغان لر نینگ خارجی مملکت لرگه اینیقسه، امریکا، اروپا و آسترالیان گه قانون سیز شکلده کیتیش لرینی ایریم دلیل لری بار.

ایش سیزلیک، حیات اوچون امکانیت لری یوق لیگی، خوف سیز لیک معما لر، و شونگه اوخشه گن باشقه معما لر افغان لر نینگ خارجی مملکت لرده قاچقین بولیشلریگه اساسی سبب لردن دیب معلوم بولگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.