BBC navigation

"جلال الدین حقانی فرزندی بدرالدین حقانی هلاک بولدی"

Сўнгги янгиланиш 25 август 2012 - 14:40 GMT

سراج الدین حقانی ، جلال الدین حقانی نینگ بیرینچی فرزندی حقانی گروهی گه رهبرلیک قیلماقده

حقانی عایله اعضا سی ، جلال الدین حقانی نینگ اوچینچی فرزندی و حقانی گروهی نینگ یوقاری مرتبه لی قوماندانلریدن بولمیش بدرالدین حقانی نینگ هلاک بولگنینی تصدیق له گن .
معلوماتلرگه کوره بدرالدین حقانی چهارشنبه کونی امریکالیکلرتمانیدن عملگه آشیرلگن درون هجومی عاقبتیده هلاک بولگن .
بی بی سی بیلن صحبت لشگن حقانی عایله اعضا سیدن بیرینی ایتیشیچه ، بدرالدین حقانی شمالی وزیرستان منطقه سیده هجومگه دوچ کیلیب هلاک بولگن.
امریکا و ناتو ملازملری اونینگ اولدیرلگنلیگی خصوصیده کی خبرلرنی حاضرگچه تصدیق لهمگن.
بدرالدین حقانی ، حقانی گروه نینگ عملیات لریگه رهبرلیک قیلیب کیلگن فعال شخص لردن بولگنی ایتله دی . اگر بدرالدین حقانی نینگ هلاک بولگنی خصوصیده کی خبر اوز تصدیقنی تاپگیدگ بولسه ، امریکا و ناتو کوچلری اوچون بو ییریک یوتوق حساب له نه دی .
هرچند جلال الدین حقانی نینگ برینچی فرزندی سراج الدین حقانی حاضرده حقانی گروهی گه رهبرلیک قیلماقده بیراق پوللرنی یغیش، عملیاتلرگه رهبرلیک قیلیش و حقانی گروهینی اداره قیلیشی کبی مسولیت لر بدرالدین حقانی گه تابشیرلگن ایدی .
عینی حالده حقانی گروهی سونگی اعلامیه لریده بدرالدین حقانی نی هلاک بولگنی خصوصیده کی خبرلرنی رد ایتیب حاضرده اوافغانستان ده حربی عملیات بیلن شغلنه یاتگنی تاکید لنگن.
حقانی گروهی ناتو و افغانستان کوچ لریگه قرشی ییریک عملیات لرنی اوتگن بیرییل ایچیده یولگه قویب کیلگن .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.