BBC navigation

ایکی عیال داخل 17 نفرنینگ باشی تنه سیدن جدا ایتلگن

Сўнгги янгиланиш 27 август 2012 - 10:33 GMT

حادثه هلمند ولایتده روی بیرگن

محلی رسمی لرنینگ ایتیشیچه ، هلمند ولایتی نینگ موسی قلعه تومنیده یول یاقه سیده ایککی عیال داخل باشی تنه سیدن جدا قیلنگن 17 کیشی نینگ جسدی تاپیلگن .
جسد لرنینگ تنه سیده کلتک ایزلری بارلیگی ایتلگن.
تومن حاکملیگی گه کوره ، ایرکک لر موسیقه ایشتیش و عیاللر نینگ رقصلرینی تماشا قیلیش اوچون یغیلگن بولیشگن.
" بیز بو حادثه آرقه سیده انیق کیم تورگنینگ بیلمی میز، لیکن تیکشیریشلر دوام ایتیپتی " دیب ایتگن فرانس پریس خبر آژانسیگه محلی رسمی لردن بیری .
واقعه طالبان نظارت قیله دیگن تومنده صادر بولگن .
عینی دمده باشقه بیر رسمی بو حادثه طالبان قوماندانلری آره سیده ، عینن منه شو ایککی عیال یوزه سیدن کیلیب چیققن کیلشموچیلیک اوچون روی بیرگنینی هم ادعا قیلگن. اولرگه کوره هلاک بولگن لرنینگ همه سی هم عادی اهالی بولمه گن .

شو بیلن بیرگه ، دوشنبه کونی طالبلر هلمند ولایتیده گی کوزه تو پوسته سینی هجومگه آلیشی نتیجه سیده 10 نفر افغان عسکری اولدیرلگن .
هجوم لرده قریب 200 گه یقین جنگری اشتراک ایتگن، اولردن 11 نفری هلاک ایتلگن.
واشیر تومنیگه اویشتیرلگن هجوم نتیجه سیده تورت عسکر یره لنگن، آلتی سی بی درک یوقالگن .
اولرنینگ گروه گه آلینگن یا کی طالبلر تمانیگه اوتگنی حقیده تخمین لر بار .
هلمند ولایتی رسمی لری حادثه یوزه سیدن تیکشروباشلنگنینی ایتیشگن.
افغانستان نینگ باشقه لغمان ولایتده امریکالیک ایکنی ایتلگن ناتو عسکری اولدیرلگن.
هجوم اویشتیرگن افغان عسکری کیمده گی کیشی هم خلق ارا کوچلرتمانیدن آتیب اولدیرلگن.
ییل باشیدن بویان کمیده 40 ناتو عسکری هلاک ایتلگن . بوهجوم لرنینگ اکثریتنی طالبان اوز ضمه سیگه آلگن .
خلق آرا کوچلرگه کوره، حادثه لرگه شخص عدوات هم سبب بولگن .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.