BBC navigation

افغان تجارلری ایریم ایرانلیک کمپنی لربیلن تجاری علاقه قورمسلیککه آگاه لنتریلگن

Сўнгги янгиланиш 2 сентябр 2012 - 13:28 GMT

افغانستان و ایران اره سیده تجاری علاقه لر اوته کوچلی بولیب کوپیگینه متاع لر ایران دن آلیب کیلینه دی. ایندی لیکده امریکا قوشمه ایالت لری افغانستان تجارلر اوییشمه سی نینگ ایران لیک 24 کمپنی بیلن تجاری ومالی علاقه لرینی کیسیب قویشینی ایتگن.
افغانستان تجار لر اویشمه سیگه کوره امریکا لیکلر، اوشبو کمپنیلر منفعتیدن ایران نینگ یدراوی قوراللینی کوچیتریش اوچون فایده له نیشینی تاکیدلب شوباعث بوتکلیف بیلن چیققن.
بو کمپنیلر جمله سیگه ایران نینگ نفت کمپنیلری قوشیمچه ایران نینگ اریان بانک کبی بانک لری هم شامل.

افغانستان تجارلر قوریلمه سی نینگ اورین باسری خان جان الکوزی تحریم اوچون امریکا لیک لر تمانیدن ایلگری سوریلگن طلب لرنی قوییده گی چه اچیق له دی"امریکا لیکلر بو ییگرمه تورت کمپنی نینگ فایده سی ایران یدراوی قورالیگه صرف بولیشی انیق ایکنینی ایتدیلر.شونینگ دیک یاقیلغی ماده لرنی ساتیب آلینشی باره سیده هم بحث بولگن همده بندرعباسده گی تزانزیت علاقه لرنی کیسیب قویشیگه اشاره ایتیلگن."
عینی حالده افغانستان تجارلر قوریلمه سی نینگ اورین باسری بندر عباس بندرگاهی، افغانستان تجاری علاقه لری اوچون اوته مهم ایکنینی اورغولب ایران بیلن مالی وتجاری علاقه لرنی کیسیب قوییش افغانستان منفعتیگه ایمس لیگینی ایتدی.
افغانستان حکومتی بوخصوصده قندی دیر رسمی مناسبت بیلن چیقممه گن، لیکن اوتگن کون افغانستان تجارت وزیرلیگی ملی منفت اساسیده بوخصوصده قرار آلیشینی ایتگن ایدی.
باشقه تماندن تجارلر اویشمه سی نینگ معلوم قیلیشیچه امریکالیکلر،دالرنینگ ایران پولی بیلن آلمشترمسلیگینی افغان تجارلری وصراف لریدن سوره گنلر.
امریکا لیک لرگه کوره ایران لیک ایریم کمپنیلری ایران پولی نی دالرگه المشتیریب دالرنینگ ایرانگه انتقال بیرماقچی.
افغانستان حکومتی هم ایران و هم امریکا بیلن چقور سیاسی واقتصادی علاقه گه ایگه دیر. عینی حالده امریکا قوشمه ایالت لری افغانستان دولتی نینگ تورلی تمان یاردم قیلیب کیلماقده. شوباعث افغانستان حکومتی نینگ بوخصوصده انیق بیر قرار آلیشی قینت ایکنی ایتیله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.