BBC navigation

اولوسی جرگه نینگ بیر کمیسیونی فساد گه قرشی کوره شوچی باشلیغنی عیبدار تانیگن

Сўнгги янгиланиш 3 сентябр 2012 - 12:44 GMT

اولوسی جرگه نینگ مدافعه کمیسیونی افغانستان فسادگه قرشی کوره شوچی اداره رییسی عزیز الله لودین نینگ فسادگه عیبله گن.

اولوسی جرگه نینگ مدافعه کمیسیونی نینگ رییسی همایون همایون گه کوره، عزیزالله لودین و مدافعه وزیرلیگی نینگ اورین باسری عنایت الله نظری دوسیه لرینی مملکت باش قاره لاوچیلیگیگه یوباردی.

اما فساد گه قرشی کوره شیش اداره سی، بوندن آلدین همایون جنابلری اوزی اوچ ملیون دالر لیک اختلاسگه عیب دار تانیلگن شو اوچون بونده ی بیر عملگه قول اورگنینی ایتگن.

دولت نینگ نیچه اداره لریده گی باشلیغ لر بیربیراوینی فساد گه عیب دار معرفی قیلیشی 130 ملیون دالرلیک ملی اردو کییمی نینگ قراردادیدن باشلنگن.

اولوسی جرگه مدافعه کمیسیونی نینگ رییسی همایون همایون افغانستان فساد گه قرشی کوره شیش رییسی عزیز الله لودین و ملی مدافعه وزیرلیگی نینگ اورین باسری عنایت الله کمال نی رشوه آلیش و جیم توریش عیب لاوی بیلن باش قاله لاوچیلیک گه معرفی قیلگن.

" لودین جنابلری اوز شخصی منفعتی اوچون، بو قراردادنی کی 42 ملیون دالر منفعت کیلتیرریدی بیکار ایتگن. تقریبن 16 ملیون دالر مقابلیده، باشقه کمپنی گه بو قرارداد نی بیرگن. البته بو مسئله گه یول آچیش نی لودین دفتری نینگ رییسی یاردم بیرگن".

اما افغانستان فساد گه قرشی کوره شیش اداره سی نینگ دفتر رییسی عبدالحفیظ بهروز ایسه، همایون جنابلری نینگ مذکور سوز لرینی رد قیلیب، خود شو قضیه ده همایون جنابلری اوچ ملیون دالر رشوه آلیش گه عیب دار دیب ادعا قیلماقده.

بهروز جنابلری، اولوسی جرگه مدافعه کمیسیونی نینگ رییسی قانون دن قاچیش اوچون مذکور عیب لاولرنی مطرح قیلیشینی معلوم قیله دی.

" 1391 قویاش ییلی اسد آیی نینگ بیرینچی سیده بیزگه اطلاع کیلدی کی ایککی ملت وکیل، مدافعه وزیرلیگی نینگ 26 رقم کییمی قراردادیده قوشیلماقچی دیگن خبر لر کیلدی. بولر اوچ ملیون دالر رشوه آلیب اوز نظرلریگه بولگن شرکت ده بو قرارداد نی بیرماقچی ایدیلر. بو کی پارلمان وکیلی قرارداد جریانیده نیگه باریب اولتیره دی بیر سوال؟ مین قرار داد پیتیده بارگنیمده، بو مسئله نی بیلیب اعتراض بیلدیردیم و مجلس نی ترک ایتدیم."

شونده ی بیرحالده، حقوقی ایش بیلرمان لر ایسه، اولوسی جرگه نینگ کمیسیون لری اجرایی صلاحیت لری یوق دیب، اما اولوسی جرگه نینگ اداری هیئتی بو کبی موضوع لر توغری سیده نهایی قرار نی صادر قیلیشی ممکن لگینی ایته دیلر.

عین زمانده ملی مدافعه وزیرلیگی هم اولوسی جرگه نینگ مدافعه کمیسیونی رییسی تمانیدن یوریتیلگن عیب لاولر توغری سیده حاضر گه قدر هیچ نرسه ایتمه گن.

اوتگن اون ییل جریانیده افغانستان اوچون اونلب ملیارد دالر تورلی بولیم لرده اینیقسه حربی بولیم لریده هزینه بولگن لیکن مملکت اداره لریده کینگ کولمده فساد موجود لیگی یاردم بیروچی مملکت لر نینگ جدی تنقید لری بیلن یوزمه یوز بولگن.

عین دمده، قریب بیر آی ایلگری افغانستان جمهور رییسی فساد گه قرشی کوره شیش اوچون جدی بیر فرمان صادر قیلیب، ایریم حکومت و اداره لرگه بو توغریده جدی کوره شیشی نی سوره گن ایدی اما حاضر گه قدر بو فرمان مذکور اداره لر تمانیدن قنچه لیک تطبیق بولگنی هم انیق بیللی ایمس.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.