BBC navigation

کرزی ینگی نامزد وزیرلرنی معرفی قیلدی

Сўнгги янгиланиш 3 сентябр 2012 - 10:25 GMT

افغانستان جمهور رییسی حامد کرزی، مدافعه وزیرلیگیگه بسم الله محمدی نی معرفی قیلیب، مجتبی پتنگ نینگ ایچکی ایشلروزیرلیگیگه، عزیزالله دین محمد خان نینگ چیگره و قوم لر وزیری صفتیده و اسدالله خالد نینگ ملی جاسوس لیک خذمتی رییسی صفتیده معرفی قیلگن.

بو ینگی نامزد وزیرلرنینگ روی خطی پارلمان گه هم یوباریلگن اما پارلمان بو لر توغری سیده قچان گپیریش لری هم انیق بیللی ایمس.

افغانستان قانونی گه اساسن، کرزی تمانیدن معرفی بولگن نامزد وزیرلر، اولوسی جرگه اعضا لری تمانیدن مذکور وزیرلرنینگ حجت لری تیکشیریلیب، آواز بیریش گه قوییله دی.

مذکور نامزد لر وزیر صفتیده ایشله ش لری اوچون اولوسی جرگه نینگ 50 جمع بیر رأی نی قولگه کیلتیریش لری کیره ک.

اوتگن هفته اسدالله خالد ملی امنیت ریاستی ده کاندید بولیش سوزی چیقیشی بیلن، بشر حقلری توغری سیده فعالیت قیله یاتگن بیر قنچه تشکیلات لر کرزی جنابلری خالد نینگ مذکور وظیفه گه معرفی قیلمس لیگینی طلب قیلگن ایدیلر.

دیدبان حقوق بشر ناملی تشکیلات، بیر بیانات ترقه تیب، خالد جنابلری قندهار حاکمی بولگن زمانده، شخصی قماقخانه سی بارلیگینی معلوم قیلگن. همده او مذکور قماقخانه ده بیر قنچه کیشی لرنی قیناقله گن لیگی نی ادعا قیلگن.

سابق مدافعه وزیری عبدالرحیم وردک و ایچکی ایشلر وزیری بسم الله محمدی قریب اوچ هفته آلدین اولوسی جرگه تمانیدن استیضاح گه چقیریلیب، کیینچه لیک ملت وکیل لر مذکور وزیرلرنینگ جوابلری قانیقرلی ایمس دیب وظیفه لریدن چیتلنتیرگن ایدلر.

اما ملی خوف سیزلیک رییسی رحمت الله نبیل ایسه، حامدکرزی تمانیدن ایشیدن بیکار ایتیلدی. و خود شو خبر ترقه تیلیشی بیلن، کرزی هر ایککی ییلده ملی خوف سیزلیک باشلیغی نی اوزگریشی گه قرار بیریشینی معلوم قیلدی.

مذکور شخص لرنینگ کرزی کابینه سیگه ینگی دن معرفی بولیشی افغانستان مطبوعاتیده کینگ ترقه تیلگن.

ملی جبهه رهبر لری هم حاضرگی کابینه گه مذکور اوزگریشلرنی کرزی تمانیدن کیله سی سیلاولر اوچون دخالت قیلیشی دیب بهالگن لر.

مذکور جبهه نینگ ادعا سیگه کوره، مستقل سیلاولر کمیسیونی باشلیغی نی هم کرزی جنابلری اوزگرتیرماقچی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.