BBC navigation

اندخوی اهالیسی باشقه قیین چیلیک لر یانیده سو کمچیلیگی بیلن هم دوچ کیلگن

Сўнгги янгиланиш 3 сентябр 2012 - 09:31 GMT

فاریاب ولایتی، اندخوی ولسوالیگی نینگ اهالی سی، مذکور تومنده ایچیملیک سوو مردمگه ترقتیلمه گنیلیگی اوچون، انچه قیین چیلیکگه قالگنلیک لرینی ایتماقده لر.

مردم گه کوره، اولر ایچیم لیک سوونی بوشکه لب بازار دن ساتیب آلیش گه مجبور بولگنلر.

اندخوی لیک لر آمو دریاسیدن یعنی، 122 کیلو متر دن اوتیب کیله یاتگن ایچیم لیک سوونی بو تومنده اورنه تیلگن بویوک بیر ذخیره دن آلیب حیات لرینی اوتکزه دیلر.

اما مردم مردم گه کوره، برچه اندخوی لیک لر ایچیم لیک سوودن فایده لنه آلمس لیک لری اوچون، ایریم صحی کسللیک لرگه هم دچار بولگنلیک لرینی ایتگن لر.

اندخوی قدوغ لریگه شیرین سوو انچه آز بولگنی اوچون مردم ایچیم لیک سوونی ساتیب آله دیلر.

اندخوی شهریده، بیر قنچه کیشی لر موتر سایکل لریده سو بوشکه لرینی اندخوی نینگ بالاحصاریده گی سوو انباری دن تولدیریب اهالیگه ساته دیلر.

خود شو قیین چیلیک لرگه قرگنده، اندخوی حاکمی نینگ اورین باسری امیر حمزه ایسه بوندن قریب بیش ییل ییل گری جوزجان ولایتی نینگ خماب تومنی یولیدن، امو دریا سووینی اندخویگه اوتکزیش پرژه سی باشلنگنی نی ایته دی، لیکن مردمگه کوره، بو پروژه انچه قیین چلیک لر بیلن عملگه آشیریلماقده.

حمزه جنابلری شونگه قوشیمچه قیلیب کیله سی اوچ الی تورت آی گه قدر اندخوی یشاوچی لری نینگ اوییده سوو باریشی نی سوز بیرگن.

اندخوی نی سوو بیلن تأمین ایتووچی یگانه سوو انباری، خواجه ختل تیپه سیده ییغیلگن سوولردیر.

مردم نینگ ایتیشیچه، بو ذخیره گاه دن سوو لر عدالت و انصاف بیلن ترقه تیلمه یدی.

مملکت نینگ اندخوی کبی باشقه حدود لری هم سوو کمچیلیگی بیلن یوزمه یوز. پایتخت کابل گه حیات کیچیره یاتگن ملیون لب انسان هم خود شو کبی معما دن شکایت قیله دیلر.

کابل یته گیده گی تاغلرگه حیات کیچیره یاتگن اهالی نینگ اکثریتی، ایچیملیک سوولرینی ایشک یا ده جنگگ بیلن اویلریگه ایلته دیلر.

کابل سوو یتکزیش اداره سی نینگ باشلیغی داد محمد بهیر نینگ ایتیشیچه، کابل نینگ نقشه سیز منطقه لریده حیات کیچیره یاتگن اهالی نینگ بیر قسمیگه امکان گه قدر سو ییتکزیلگن. اما بهیر جنابلری مردم گه سوو یتکزیش برنامه لری توغریسیده انچه قیین چیلیک لر بارلیگینی هم ایته دی.

" سوو زخیره لریمیز انچه هزینه بیلن توزه لگن و بیز بو زخیره لردن سوونی پمپ قیله میز. لیکن زخیره دن بلند منطقه لرگه سوو یخشی پمپ بولمه یدی. بیز کابل نینگ بلند منطقه لریده بولگن هموارلیک لرگه زخیره لر ایجاد ایتگن میز و اوییردن سوو اوز فشاری بیلن مردم گه ترقه تیله دی لیکن اوندن کوره بلند راق منطقه لر بیزنینگ زخیره لریمیز سوو نی ترقه تالمه یدی. شو اوچون اهالی پس گه کیلیب عمومی نل لردن کیله یاتگن سوو لردن فایده لنیش لری کیره ک. اولرگه سوو ترقه تیش امکانیتیمیز یوق بو ممکن سیز بیر ایش."

بهیر جنابلری شونگه قوشیمچه قیلیب، کیله سی اوچ ییل گه قدر، کابلگه پلان بولگن منطقه لریده حیات کیچیره یاتگن اهالی نینگ 90 فایزیگه سوو ترقه تیش برنامه لر توگه یشیدن سوز بیردی.

رسمی حسابات گه کوره، حاضر قریب آلتی ملیون انسان کابلگه حیات کیچیرماقده. بولرنینگ همه سیگه سوو ییتکزیش انچه قیین لشگن.

شو نینگ دیک دیک کابل نینگ 75 فایز اهالی سی پلان بولمه گن"نقشه سیز" منطقه لرگه حیات کیچیره دیلر.

رسمیلرنینگ معلوم قیلیشیچه، کابل نینگ پلان بولگن منطقه لریده حیات کیچیره یاتگن اهالی نینگ یریمی دن کوپراقیگه سوو ییتکزیله دی شونینگ دیک پلان سیز منطقه لرده گی اهالی نینگ اوتیز فایزی ایچیم لیک سوو بیلن تامین لنگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.