BBC navigation

افغانستان معارفیگه 305 میلیون دالر یاردم بولدی

Сўнгги янгиланиш 5 сентябр 2012 - 14:28 GMT

ینگی بیرله یاتگن یاردم لر افغانستان نینگ چیککه حدودلریده تعلیم تزیمی صفتنی یخشی لشتریش یولیده صرف له نیشی ایتلگن

جهان بانکی افغانستان تعلیم صفتینی یوکسلتیرش اوچون کیله سی ایککی ییل گه 250 میلیون دالر بی غرض یاردمنی کمک قیلیشنی معلوم قیلگن .
یاردم قراری بوگون کابل ده افغانستان معارف،مالیه وزیری و جهان بانکی باشقهروچی سی الانگو پچیموتو آره لریده معقوللندی.
افغانستان معارف وزیری فاروق وردک ،بیرله یاتگن مبلغ بیلن 283 مکتب بنا سی قورلیب ،3000 مینگ گه یقین مکتب گه کیرک بولگن ملزمه لر نینگ آلینشنی ایتگن. اونگه کوره بیرله یاتگن یاردم پولی بیلن 186 مینگ اوقوتوچی هم تیارگرلیک لردن اوتکزله دی .
جهان بانکی 1383 ییلیدن بویان هرییلی 27 میلیون دالرنی افغانستان معارفی گه یاردم قیلیب کیلگن .
وردک جناب لرینی ایتیشیچه جهان بانکی تمانیدن تعلم ساحه سیده بیرله یاتگن یاردم ییرک اوزگریشلرنی کیلتیریشگه قادر بولگن.
جهان بانکی باشلیغی پچیموتوجنابلری افغانستان معارف وضعیتنی رواجلنتیریش جهان بانکی نینگ کون ترتیبده تورگن اینگ مهم مساله لردن بیری بولگنینی تاکید له گن .
اونگه کوره معارف تزیمنی رواج له نیشی مملکت ده اقتصادی،اجتماعی و سیاسی وضعیت نی یخشی لشیگه یاردم بیره دی.
جهان بانکی باشلیغی یاردم دن مقصد صفتلی تعلیم آلیش زمینه لرینی اینقسه چیککه حدودلرده یره تیش بولگنینی تاکید له گن.اونگه کوره بو یاردم بیلن قوشیمچه اوقووچی لرنی مکتب گه جلب قیلیش زمینه سی یره تیله دی .
جهان بانکی اوتگن آلتی ییل دوامیده افغانستان معارف تزیمیگه یرم میلیارد دالر یاردم ایتگن.
عینی دمده ایککی نادولت تشکیلات هم افغانستان معارف وزیرلیگیگه 55 میلیون دالر یاردم ایتیشنی معلوم قیلگن .
بیرلگن یاردم لرنی صرف له نیشی افغانستان ده کی باله لرج مغرمه سی یا یونیسف تشکیلاتی تمانیدن نظارت ایتلیشی قید ایتلگن .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.