BBC navigation

عظیمی : یوزلب اوردو عسکری وظیفه لریدن چیتلنتریلیب ویاهم قماققه آلیندی

Сўнгги янгиланиш 5 сентябр 2012 - 13:25 GMT

افغانستان مدافعه وزیرلیگی ملی اردو عسکرلری نینگ کیملیگینی انیق لش اوچون یولگه قوییلگن دستور آرقه لی اوتگن یتتی آی جریانیده یوزلب عسکر قماققه آلنیب ویاهم وظیفه لریدن چیتلنتریلگنینی ایتدی.

حربی کیمیده بولگن شخصلرتمانیدن خارجی کوچلرنی نشانگه آلیش واقعه لری آرتیب باریشی ارتیدن بو دستور یولگه قوییلگن.

مدافعه وزیرلیگیگه کوره اوشبو عسکرلر حجت لری خلق ارا یاردمچی تشکیلات لرهمکارلیگی بیلن تیکشریلیب اوندن کیین اولرنینگ حیبسگه الیش ویا وظیفه لریدن چیتلنتریش قراری آلینگن.

افغانستان مدافعه وزیرلیگی چیتلنتریلگن شخصلرنینگ همه سینی عسکر بولگنینی ایتیب اولر مابنیده یوقاری مرتبه لی خادم بولمه گنینی تاکیدله دی.

بوشخصلرنینگ وظیفه لریدن چیتلنتریلیشیگه عامللردن بیری هم ملی اردو عسکرلری تمانیدن خارجی عسکرلرنی نشانگه الیب کیله یاتگنی بولگن بولیشی ممکن لیگی ایتیله دی.

افغانستان مدافعه وزیرلیگی نینگ سوزچیسی ظاهر عظیمی بوحقده شوندی دیدی:"معلومات لر شونی کورسه ته دی کی عسکرلرنی اردو صفیگه جذب قیلیش پروسه سی توزیک شکلده یولگه قوییلگن. اما وظیفه جریانی ویارخصتیگه کیتگنده علاقه لر قوریلگن. تورلی عامللری بار، شوباعث تحقیقات ایشی باشلندی. یوزلب کیشی وظیفه لریدن چیتلنتریلگن و یاهم حیبسگه الینگن دیمن. بعضیلری توغریسده حجتلر بارایدی حیبسگه الیندی، شبهه لی شخصلر ایسه وظیفه لریدن چیتلنتریلدی دیدی عظیمی جنابلری

لیکن عظیمی جنابلری قولگه آلینگن ملی اردو عسکرلریدن قنچه سی جاسوسلیککه عیبدار ایکنی همده قیسی اولکه لر بیلن علاقه دارلیکده بولگنی باره سیده هیچ نرسه ایتمه دی.

بومسله عادی افغانستان لیک لرآره سیده هم قطار خواطرلرگه سبب بولگن.

جاری شمسی ییلده، اوتیزدن آرتیق هجوم ملی اردو عسکرلری ویاهم حربی کیمده بولگن شخصلر تمانیدن خارجی کوچلرگه قرشی اویشتریلگن. شوندی هجوملر نتیجه سیده قریب قرق چیت ایللیک عسکر هلاک بولگن.

هجوملرنی اویشتیرگن شخصلرنی قوراللی مخالف گروه لر بیلن علاقه دارلیک ده بولگنی هم ایتیلماقده.

عینی حالده ایریم لر منطقه ده گی استخبارات اداره لری ساخته حجت بیلن اوز ادملرینی ملی اردو صفیگه کیرتیشیگه موفق بولگنینی ایتماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.